នៅព្រឹកថ្ងៃពុធ ទី២៩ ខែសីហា លោកនាយករដ្ឋមន្ត្រី ហ៊ុន សែន បានដឹកនាំគណៈប្រតិភូនៃរាជរដ្ឋាភិបាលកម្ពុជា មួយក្រុម ចូលរួមកិច្ចប្រជុំកំពូលលើកទី១៦ នៃប្រទេសចលនាមិនចូលបក្សសម្ព័ន្ធ រយៈពេលពីរថ្ងៃ នៅទីក្រុងតេហេរ៉ង់ (Teheran) សាធារណរដ្ឋឥស្លាមអ៊ីរ៉ង់។
លោកនាយករដ្ឋមន្ត្រី ហ៊ុន សែន
ក្នុងសន្និសីទកាសែតស្ដីពីជម្លោះព្រំដែនជាមួយថៃ នាវិមានសន្តិភាព
រាជធានីភ្នំពេញ នៅថ្ងៃទី១៧ ខែកុម្ភៈ ឆ្នាំ២០១១។
លោក ស្រ៊ី ថាមរ៉ុង្គ ជំនួយការផ្ទាល់លោក ហ៊ុន សែន មានប្រសាសន៍ថា
តបតាមការអញ្ជើញរបស់លោក ម៉ាមូដ អាម៉ាឌីណេចាដ (Mahmoud Ahmadinejad)
ប្រធានាធិបតីនៃសាធារណរដ្ឋឥស្លាមអ៊ីរ៉ង់
ប្រមុខដឹកនាំបានដឹកនាំប្រតិភូមួយក្រុមទៅចូលរួមកិច្ចប្រជុំកំពូលនៃបណ្ដាប្រទេសចលនាមិនចូលបក្សសម្ព័ន្ធរយៈពេល
២ថ្ងៃ គឺនៅថ្ងៃទី៣០-៣១ ខែសីហា ក្រោមប្រធានបទស្តីអំពី
«សន្តិភាពយូរអង្វែងតាមរយៈអភិបាលកិច្ចរួមគ្នាជាសកល»។
លោក ស្រ៊ី ថាមរ៉ុង្គ ឲ្យដឹងថា កិច្ចប្រជុំនោះមានប្រទេសជាងមួយរយចូលរួមប្រជុំនឹងពិភាក្សាគ្នាអំពីលទ្ធិប្រជាធិបតេយ្យ សិទ្ធិមនុស្ស បញ្ហាបម្រែបម្រួលអាកាសធាតុ សង្រ្គាម និងការគំរាមកំហែងអំពីក្រុមភេរវកម្មជាដើម។
លោកបញ្ជាក់ថា កិច្ចប្រជុំនោះមានគោលដៅជំរុញឲ្យប្រទេសចលនាមិនចូលបក្សសម្ព័ន្ធកាន់តែរឹងមាំឡើងក្នុងការបញ្ចប់សង្គ្រាម ឬរារាំងមិនឲ្យមានការធ្វើសង្គ្រាម និងងាកមករួមចំណែកអភិវឌ្ឍធ្វើឲ្យប្រទេសទាំងអស់មានសន្តិភាព និងទំនាក់ទំនងល្អ មិនមានការគាបសង្កត់ ព្រមទាំងរួមគ្នាដោះស្រាយបញ្ហាដើម្បីសន្តិភាពយូរអង្វែងទាំងអស់គ្នា។
លោក ស្រ៊ី ថាមរ៉ុង្គ ឲ្យដឹងថា ប្រទេសមិនចូលបក្សសម្ព័ន្ធនៅទាំងពិភពលោក មានចំនួន ១២០ប្រទេស ក្នុងនោះប្រទេសកម្ពុជា ក៏ជាប្រទេសស្ថាបនិកមួយដែរ៕From RFA
លោក ស្រ៊ី ថាមរ៉ុង្គ ឲ្យដឹងថា កិច្ចប្រជុំនោះមានប្រទេសជាងមួយរយចូលរួមប្រជុំនឹងពិភាក្សាគ្នាអំពីលទ្ធិប្រជាធិបតេយ្យ សិទ្ធិមនុស្ស បញ្ហាបម្រែបម្រួលអាកាសធាតុ សង្រ្គាម និងការគំរាមកំហែងអំពីក្រុមភេរវកម្មជាដើម។
លោកបញ្ជាក់ថា កិច្ចប្រជុំនោះមានគោលដៅជំរុញឲ្យប្រទេសចលនាមិនចូលបក្សសម្ព័ន្ធកាន់តែរឹងមាំឡើងក្នុងការបញ្ចប់សង្គ្រាម ឬរារាំងមិនឲ្យមានការធ្វើសង្គ្រាម និងងាកមករួមចំណែកអភិវឌ្ឍធ្វើឲ្យប្រទេសទាំងអស់មានសន្តិភាព និងទំនាក់ទំនងល្អ មិនមានការគាបសង្កត់ ព្រមទាំងរួមគ្នាដោះស្រាយបញ្ហាដើម្បីសន្តិភាពយូរអង្វែងទាំងអស់គ្នា។
លោក ស្រ៊ី ថាមរ៉ុង្គ ឲ្យដឹងថា ប្រទេសមិនចូលបក្សសម្ព័ន្ធនៅទាំងពិភពលោក មានចំនួន ១២០ប្រទេស ក្នុងនោះប្រទេសកម្ពុជា ក៏ជាប្រទេសស្ថាបនិកមួយដែរ៕From RFA
