ធ្លាប់តែឃើញការចុះផ្សាយទំព័រមុនពី Mouse ប្រើពន្លឺព្រះអាទិត្យ
ថាចម្លែក តែថ្ងៃនេះប្លែកទៀតហើយគឺ Keyboard
ប្រើពន្លឺព្រះអាទិត្យវិញម្ដងដែលមានឈ្មោះថា Logitech K760 Wireless
Solar Keyboard ជាផលិតផលរបស់ក្រុមហ៊ុន Logitech មានមូលដ្ឋាននៅទីក្រុង
Glasgow ប្រទេស Scotland។
Keyboard ដ៏ពិសេសនេះអាចប្រើបានជាមួយឧបករណ៍ដែលប្រើប្រព័ន្ធប្រតិបត្តិការ iOS សម្រាប់ផ្ដល់ភាពងាយស្រួលដោយប្ដូរពីការចុចប្រើលើអេក្រង់មក ប្រើលើប៊ូតុងkeyboard ពិសេសមួយនេះវិញ។ លក្ខណៈសម្បត្តិរបស់ Logitech K760 នេះរួមមាន៖ អាចភ្ជាប់ទៅកាន់ឧបករណ៍ដោយបច្ចេកវិទ្យាឥតខ្សែ bluetooth បាន, ជា Keyboard បញ្ចូលថ្មដោយពន្លឺព្រះអាទិត្យ ដែលមានភ្ជាប់មកជាស្រេចជាមួយនឹងបន្ទះ Solar អាចបញ្ចូលថាមពលបានទាំងពន្លឺភ្លើងក្នុងបន្ទប់ និងពន្លឺថ្ងៃនៅខាងក្រៅក៏បាន។
Logitech K760
មានសមត្ថភាពអាចភ្ជាប់ជាមួយឧបករណ៍បានចំនួន ៣ ក្នុងពេលដំណាលគ្នា។
ឧទាហរណ៍ យើងកំពុងប្រើ Keyboard នេះជាមួយ Mac
ហើយចង់ប្ដូរទៅប្រើជាមួយ iPad ឬប្ដូរទៅប្រើជាមួយ iPhone
វិញបានយ៉ាងងាយដោយគ្រាន់តែចុចទៅលើប៊ូតុងដែលមានស្រាប់នៅលើ
keyboard នេះប៉ុណ្ណោះ។
ដើម្បីស្វែងយល់បន្ថែមពីផលិតផលខាងលើនេះសូមបន្តតាមដានវីដេអូឃ្លិបខាងក្រោម៖Keyboard ប្រើថាមពលពន្លឺព្រះអាទិត្យនេះមានដាក់លក់នៅលើគេហទំព័រ logitech ក្នុងតម្លៃ ៨០ ដុល្លារអាមេរិក។
អស្ចារ្យទេជាមួយមុខងារពិសេសខាងលើរបស់ Logitech K760 មួយនេះ? ចង់ប្រើអត់?
ប្រែសម្រួល៖ ឈុន ហួរ
