រូបគំនូរដ៏ប្រណីតជាស្នាដៃ
របស់វិចិត្រករល្បីល្បាញ ជនជាតិ ន័រវែស លោក Edvard Munch ឈ្មោះថា
“The Scream” បានបំបែកកំណត់ត្រាពិភពលោក ជា
ផ្ទាំងគំនូរថ្លៃបំផុត នៅពេលដែលដាក់លក់ក្នុងតម្លៃ ១១៩,៩
លានដុល្លារ ក្នុងការដេញថ្លៃនៅឯ Sotheby’s ទីក្រុងញ៉ូវយ៉ក
សហរដ្ឋអាមេរិក។
ការដេញថ្លៃដ៏ក្តៅគគុក រយៈពេល ១២ នាទីបានធ្វើឡើងពីសំណាក់អ្នកដេញថ្លៃ ៧ នាក់ និងបានបញ្ចប់ក្រោមស្នូរទះដៃយ៉ាងកងរំពង។
ទិដ្ឋភាពការដេញថ្លៃនៅ Sotheby’s
កំណត់ត្រាចាស់ជាស្នាដៃវិចិត្រករ
អ៊ីតាលីដ៏ល្បីល្បាញ លោក Picasso គឺគំនូរដែលមានឈ្មោះថា “Nude, Green
Leaves, and Bust” ដែលបានលក់កាលពីឆ្នាំ ២០១០ ក្នុងតម្លៃ ១០៦,៥
លានដុល្លារ។
“The Scream” ត្រូវបានដាក់លក់ដោយលោក
Petter Olsen ដែលឪពុករបស់លោកជាមិត្តភក្ដិ
និងអ្នកគាំទ្រម្នាក់របស់វិចិត្រករនៃផ្ទាំងគំនូរខាងលើ។
លោកក៏មានគម្រោងបង្កើតសារមន្ទីរមួយក្នុងប្រទេសន័រវែសផងដែរ។
តើអ្នកយល់យ៉ាងណាចំពោះតម្លៃផ្ទាំងគំនូរម្ចាស់ឯកត្តកម្មថ្មីនេះ?
