លោកអ្នកប្រាកដជា ចង់បាននូវប្រភេទ ទូរស័ព្ទស្មាតហ្វន បង្កើតឡើងដោយ
មានភ្ជាប់នូវ ឧបករណ៍បញ្ចាំង ស្លាយស្រាប់ៗដូច Samsung Galaxy Beam ជាមិនខាន ប៉ុន្តែបើសិនជា ទូរស័ព្ទនោះ មិនមានមុខងារនោះទេ លោកអ្នកអាចស្វែង រកឧបករណ៍ សម្រាប់បញ្ចាំងស្លាយ ពីទូរស័ព្ទ តាមបែបងាយៗ ហើយអ្វីដែល លោកអ្នកចង់បាននោះគឺ ឧបករណ៍ Pop Video ដែលជាឧបករណ៍ភ្ជាប់ ជាមួយទូរស័ព្ទ iPhone ដើម្បីទាញយកវិដេអូ ពីទូរស័ព្ទមកបញ្ចាំងស្លាយ ។
វាគឺជាឧបករណ៍បញ្ចាំងស្លាយ មានរាងស្អាត ដោយមានរុន្ឋភ្ជាប់ទៅ iPhoneទំហំ 30-pin ហើយអ្វី ដែលអស្ចារ្យនោះ គឺវាមានតម្លៃ ត្រឹមតែ ៩៩ដុល្លារនោះទេ។
ឧបករណ៍បញ្ចាំងស្លាយរាងតូចច្រលឹង Pop Video មានអេក្រង់ទំហំ ៤,៤អ៊ីញ មានទម្ងន់ ៩៧ក្រាម មានដុំថាមពលថ្មនៅខាងក្នុងផ្ទាល់តែម្តង ហើយលោកអ្នកអាច ប្រើក្នុងការបញ្ចាំង ស្លាយវីដេអូក្នុងកំរិត qHD (960 x 540 pixel resolution) បានរយៈពេល២ម៉ោង។
ក្រោយមកលោកអ្នកអាចសាកថ្ម តាមរយៈពេល microUSBដោយប្រើរយៈពេល ៤ម៉ោង។ ឧបករណ៍បញ្ចាំងស្លាយនេះ ប្រើជាមួយទូរស័ព្ទ iPhone 4 និង iPhone 4S ជាមួយគ្នានេះ វាក៏អាចប្រើជាមួយនឹង iPod touchជំនាន់ទី ៣និងទី៤ផងដែរ៕
