ថ្មីៗនេះក្រុម Hacker សកម្មនិយម Anonymous បានបង្ហោះទិន្នន័យទំហំ 1.7GB ដែលខ្លួនបានអះអាងថាសុទ្ធសឹងតែជាឯកសារដែលបានលួចចម្លងចេញពីគេហទំព័រមួយរបស់ក្រសួងយុត្តិធម៌សហរដ្ឋអាមេរិក។
Anonymous
បានបញ្ជាក់ពីគោលជំហររបស់ខ្លួនថា “យើងមិនកាន់ជើងរដ្ឋាភិបាល
ឬគណបក្សនយោបាយណាទាំងអស់
តែយើងប្រកាន់ជំហរស្វែងរកសេរីភាពឲ្យប្រជាជន
សេរីភាពក្នុងការបញ្ចេញមតិ និង សេរីភាពព័ត៌មាន។
យើងបង្ហោះទិន្នន័យនេះដើម្បីផ្ដល់ជាព័ត៌មានឲ្យប្រជាជនទាំងអស់បាន
ឮនិងដឹងពីអំពើពុករលួយនៅក្នុងជួររដ្ឋាភិបាលរបស់ពួកគេ។
យើងធ្វើបែបនេះដើម្បីបញ្ចប់អំពើពុករលួយដែលកំពុងកើតមាននិងធ្វើ
ដើម្បីប្រជាជនដែលកំពុងទទួលរងនូវការជិះជាន់”។
មិនបង្អង់យូរអ្នកនាំពាក្យម្នាក់
របស់ក្រសួងយុត្តិធម៌អាមេរិកបានឆ្លើយតបវិញតាមរយៈសេចក្ដីថ្លែងការណ៍
មួយនៅលើគេហទំព័រ ZDNet ថា
“ក្រសួងកំពុងពិនិត្យមើលឡើងវិញនូវកំហុសឆ្គងដែលកើតមានឡើងលើ Server
របស់ខ្លួនយ៉ាងម៉ត់ចត់បំផុត។
មកទល់ពេលនេះគេហទំព័រការិយាល័យស្ថិតិយុត្តិធម៌កុំពុងសិ្ថតនៅ
ក្រោមការពិនិត្យនិងតាមដាននៅឡើយ
តែសំណាងល្អដែលគេហទំព័រសំខាន់របស់ក្រសួងដែលមានឈ្មោះថា justice.gov
មិនបានទទួលរងនូវផលប៉ះពាល់។”
ប្រភពបានបញ្ជាក់បន្ថែមថា ទិន្នន័យទំហំ 1.7GB ដែល Anonymousលួចបានខាងលើនេះអាចទាញយកបានតាមរយៈ torrent។
គួររំលឹកថា
កាលពីខែមិនាកន្លងទៅនេះ Anonymous
បានវាយលុកគេហទំព័ររដ្ឋាភិបាលរបស់ប្រទេសចិនដើម្បីតវ៉ាលើច្បាប់ដ៏
តឹងរ៉ឹងនិងអយុត្តិធម៌ដែលកំពុងកើតមាននៅក្នុងប្រទេសចិន។
នេះជាករណីទីពីរក្នុងឆ្នាំ២០១២ដែល Anonymous
បានវាយលុកគេហទំព័ររបស់រដ្ឋាភិបាលប្រទេសមហាអំណាចទាំងពីរលើពិភពលោក។
តើប្រទេសណាទៀតអាចនឹងក្លាយជាមុខ
ព្រួញទី៣និងទី៤?
ចុះនរណាអាចទប់ស្កាត់ពួកគេបានបើសូម្បីតែប្រទេសមហាអំណាចដូច
អាមេរិកក៏ទប់មិនឈ្នះផងនោះ?
