ភ្នំពេញ
៖ មេបញ្ជាការរងអាវុធហត្ថក្រុងភ្នំពេញលោក ពូ ដាវី បានប្រាប់ថា
នាយឧត្តមសេនីយ៍សៅ សុខា មេបញ្ជាការរងកងយោធពលខេមរភូមិន្ទនិងជាមេបញ្ជាការអាវុធហត្ថលើផ្ទៃប្រទេស បានបញ្ជាឲ្យលោកឧត្តមសេនីយ៍យ៉ា គឹមអ៊ី មេបញ្ជាការរងអាវុធហត្ថលើផ្ទៃប្រទេស និងជាមេបញ្ជាការអាវុធហត្ថក្រុង ឲ្យចាត់ការបកសក្តិមន្រ្តីអាងអំណាចក្រោយពីប្រើហិង្សារលើប្រជាពល រដ្ឋ ។
លោក ពូ ដាវី បាននិយាយនៅថ្ងៃ4 កក្កដា ថា ជនបង្ករឈ្មោះ ខាន់ សំណាង ជាមន្រ្តីអាវុធហត្ថ...
ត្រូវបានបញ្ជូនទៅកាន់តុលាការក្រុងភ្នំពេញនៅថ្ងៃទី2 កក្កដា បន្ទាប់ពីចាប់ខ្លួនមុន2ថ្ងៃ ក្រោយពីប្រើអំណាចរបស់ខ្លួនជាមន្រ្តីអាវុធហត្ថទៅគំរាមជីវិតអ្នកជិត ខាង និងកាប់អ្នកជិតខាងឲ្យរងរបួស2នាក់
ព្រមទាំងបំផ្លិចបំផ្លាញទ្រព្យសម្បត្តិអ្នកដ៍ទៃ ក្រោយមកតុលាកាបានចោទប្រកាន់ពីបទប្រើអំពើហិង្សារ
និងបំផ្លិចបំផ្លាញទ្រព្យសម្បត្តិ អ្នកដទៃថែមទាំងកាត់ទោសឲ្យជាប់ពន្ធនាគារព្រៃសរ ។
ដោយឡែកប្រពន្ធជនបង្ករ គឺឈ្មោះ គឹម ស៊ីយ៉ាង ជាមន្រ្តីអាវុធហត្ថដែរនោះត្រូវបានដោះលែង
ឲ្យរួចខ្លួនក្រោយពីចាប់ខ្លួនជាមួយជនបង្ករជាប្តីឃុំខ្លួនមួយយប់នៅអាវុធហត្ថក្រុង ភ្នំពេញ។
សូមជម្រាបថាឪពុក និងកូនប្រុស បានរងរបួស ត្រូវចំក្បាល យ៉ាងធ្ងន់ ក្រោយពី ជនបង្ក ពីរនាក់ប្តី ប្រពន្ធ ដែលអាង អំណាចខ្លួនជា មន្រ្តីអាវុធហត្ថ បានប្រើកាំបិត ប៉័ងតោ កាប់ទៅ លើពួកគេ ដោយសារតែ មានជម្លោះ រឿងដីធ្លី ផ្ទះនៅជិតគ្នា ។ ជាមួយគ្នានេះ ប្តីប្រពន្ធ ពីរនាក់ខាងលើ បានដេញគប់ សមត្ថកិច្ចមូលដ្ឋាន នឹងដុំថ្ម ទៀតផង នៅពេលដែល សមត្ថកិច្ចទាំងនោះ ចុះទៅជួយ អន្តរាគមន៍ នៅកន្លែង កើតហេតុ។ យោងតាម ប្រភពព័ត៌មាន ពីប្រជាពលរដ្ឋ ដែលបានឃើញ ហេតុការណ៍ បានឲ្យដឹងថា ករណីជម្លោះ តាមរយៈអាង អំណាច ជាមន្រ្តី អាវុធហត្ថ និងដេញវាយ និងគប់សមត្ថកិច្ច មូលដ្ឋាន ខាងលើនេះ បានកើតឡើង កាលពីវេលាម៉ោង ៦៖ ៣០នាទី ល្ងាច ថ្ងៃទី៣០ ខែមិថុនា ឆ្នាំ២០១២ ស្ថិតនៅផ្ទះលេខ ៥ ផ្លូវលេខ៦០៨ ភូមិទី១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។
បើយោងតាម ប្រជាពលរដ្ឋ ដែលបានឃើញ ហេតុការណ៍នេះ បានឲ្យដឹងថា ក្រោយមាន ករណីជម្លោះ រឿងដីធ្លី រួចមកបានធ្វើឲ្យ ប្តីប្រពន្ធ ពីរនាក់ ដែលប្តី មានឈ្មោះ ខាន់ សំណាង ជាមន្រ្តីអាវុធហត្ថ ខណ្ឌឫស្សីកែវ និងប្រពន្ធ មានឈ្មោះ គឹម ស៊ីយ៉ាង ដែលជាមន្រ្តី អាវុធហត្ថផងដែរ នោះបានប្រើកាំបិត ប៉័ងតោ កាប់ទៅលើឪពុក និងកូនប្រុស ពីរនាក់ បណ្តាល ឲ្យរងរបួសយ៉ាងធ្ងន់។ ជនរងគ្រោះជាឪពុក មានឈ្មោះ យ៉ុន យាន អាយុ៤៨ ឆ្នាំ និងកូនប្រុស មានឈ្មោះ យ៉ុន សុខណាង អាយុ១៧ឆ្នាំ។ ប្រជាពលរដ្ឋបានបន្តថា ជនបង្កពីរនាក់ប្តី ប្រពន្ធ បានគំរាម ជនរងគ្រោះ ដល់អាយុ ជីវិតទៀតផង រហូតធ្វើឲ្យជនរងគ្រោះ ទាំងពីរនាក់ មិនហ៊ាន ចេញពីផ្ទះ ហើយហៅ គ្រូពេទ្យ ទៅព្យាបាល របួសនៅផ្ទះទៀតផង។
ក្រោយពេលមាន ហេតុការណ៍នេះ កើតឡើង អធិការនគរបាល ខណ្ឌទួលគោក លោក ហួត ចាន់យ៉ារ៉ាន់ បានបញ្ជាឲ្យ មន្រ្តីនគរបាល បឹងកក់ទី១ ចុះទៅជួយអន្តរាគមន៍ ប៉ុន្តែនៅពេល សមត្ថកិច្ចមូលដ្ឋាន ចុះទៅដល់ភ្លាម ស្រាប់តែជនបង្ក បានយកដុំថ្ម ដេញគប់ សមត្ថកិច្ចទៀតផង។ ភ្លាមៗនោះ លោក ហូត ចាន់យ៉ារ៉ាន់ បានប្រាប់ទៅ មេបញ្ជាការកង រាជអាវុធហត្ថ ខណ្ឌទួលគោក ឲ្យជួយអន្តរាគមន៍ វិញម្តង ។
ប្រភពក្រៅផ្លូវការបានបង្ហើបថាលោក ខាន់ សំណាង ជាអតីតមន្រ្តីអាវុធហត្ថ ប្រឈមនឹងការដោះលែងក្រៅប្រពន្ធ័តុលាកា ។ ហើយគេរំពឹងថាតុលាកានឹងចាត់ការតាមច្បាប់ដើម្បីកំឲ្យមានមន្រ្តីបែប នេះប្រព្រឹទ្ធទង្វើបែបនេះទៀតនាំឲ្យប៉ះពាល់ដល់កិត្តិយសសមត្ថកិច្ចដទៃ ៗផ្សេងទៀត ៕from police
