សៀមរាប ៖ ឱសថខុសច្បាប់ជាង២ម៉ឺនគ្រាប់នឹង៣៥,៥
គីឡូក្រាម ត្រូវបានក្រុមសមត្ថកិច្ចចំរុះ
ធ្វើការដកហូតនឹងពិន័យជាប្រាក់ចំនួន៥លានរៀល
ខណៈដែលឆ្មក់ចូលឆែកឆេរទៅលើទីតាំងបើកឱសថខុសច្បាប់មួយកន្លែងនៅ
កណ្តាលក្រុងសៀមរាបដែលជារបស់ជនជាតិកូរ៉េ
នេះជាការឆែកឆេររកឱសថខុសច្បាប់ទ្រង់ទ្រាយធំលើកទី២ហើយនៅកណ្ដាល
ក្រុងសៀមរាប។...
ប្រតិបត្តិការ
ជាទ្រង់ទ្រាយធំនេះធ្វើឡើងកាលពីព្រឹកថ្ងៃទី០៤ខែកក្កដាឆ្នាំ២០១២
ស្ថិតនៅក្នុង ភូមិគ្រួស សង្កាត់ស្វាយដង្គំ ក្រុងសៀមរាប
ដែលមានកម្លាំងសហការគឺការិយាល័យនគរបាលប្រឆាំងបទ
ល្មើសសេដ្ឋកិច្ចខេត្ត
នាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃ
មន្ទីរសុខាភិបាលខេត្ត ការិយាល័យ នគរបាលអន្តោប្រវេសន៍ខេត្ត
ក្រោមកិច្ចដឹកនាំបញ្ជារដោយលោក ជួន សុបញ្ញា
ព្រះរាជអាជ្ញារងនឹងជាតំណាងអយ្យការសាលាដំបូងខេត្តសៀមរាប។
ក្រុម
សមត្ថកិច្ចដែលចុះប្រតិបត្តិការបានអោយដឹងថា
ជនជាតិកូរ៉េដែលបើកលក់ឱសថខុសច្បាប់ នេះមានឈ្មោះ គឹម ដុងជុល
ភេទប្រុសអាយុ៤៨ឆ្នាំ ចូលមកប្រទេសកម្ពុជាដើម្បីរកស៊ី។
សមត្ថកិច្ចបន្តថាទីតាំងរបស់ជនជាតិកូរ៉េនេះបើកលក់ថ្នាំពេទ្យជាយូរ
មកហើយ តែមិនមានសមត្ថកិច្ចខាងណាដឹងនោះទេទើប
គេបើកដំណើរការជាហូរហែររហូតមកដល់ពេលនេះ ។
លោក
អនុសេនីយ៍ឯក វ៉ាន់ រិទ្ធ នាយរងការិយាល័យអន្តោប្រវេសន៍បានអោយដឹងថា
លោកបានចុះធ្វើកិច្ចការផ្នែករដ្ឋបាលជនបរទេស
ស្រាប់តែឃើញទីតាំងមួយនេះមានដាក់តាំងលក់ថ្នាំពេទ្យជាច្រើនមុខ ដោយ
មានការសង្ស័យលោកបានរាយការណ៍ទៅស្ថាប័នជំនាញ
ដើម្បីចុះមកធ្វើការត្រួតពិនិត្យ។
លោក
អនុសេនីយ៍ឯក ឡុង សំអឿន
នាយផ្នែកនាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួង
មហាផ្ទៃបានអោយដឹងថា
ថ្នាំពេទ្យខុសច្បាប់ដែលរកឃើញនៅក្នុងទីតាំងនេះមាន៤០មុខ ចំនួន២០៥១៧
គ្រាប់នឹង៣៥,៥គីឡូក្រាម។
ចំណែក
លោកវរសេនីយ៍ទោ សឿន សេន
នាយការិយាល័យនគរបាលប្រឆាំងបទល្មើសសេដ្ឋកិច្ចខេត្ត សៀមរាបបានអោយដឹងថា
នេះជាប្រតិបត្តិការជោគជ័យមួយថ្មីទៀតរបស់ក្រុមសមត្ថកិច្ចដែលមាន
ការ ដឹកនាំដោយតំណាងអយ្យការ
ក្នុងការបង្ក្រាបនឹងឆែកឆេរទៅលើទីតាំងបើកលក់ឱសថខុសច្បាប់របស់
ជនបរទេស
ហើយបានរកឃើញឱសថដ៏ច្រើនសន្ធឹកសន្ធាប់ដែលមិនមានចុះបញ្ជីនឹង
ទទួលស្គាល់ដោយក្រសួងសុខាភិបាល ។ លោក សឿន សេន
បន្តថាតាមការសាកសួរទៅលើជនជាតិកូរ៉េរូបនេះបានប្រាប់ថា
ថ្នាំពេទ្យខ្លះ ទិញនៅទីផ្សារកម្ពុជា
នឹងមួយចំនួនទៀតនាំយកមកពីប្រទេសកូរ៉េផ្ទាល់តាមច្រកព្រលានយន្តហោះ
អន្តរជាតិ ខេត្តសៀមរាប តែសម្រាប់ការលក់ដូរវិញគឺសម្រាប់
តែក្រុមជនជាតិកូរ៉េតែប៉ុណ្ណោះ។ លោកនាយការិយាល័យរូបនេះបន្តថា
ដោយសារតែម្ចាស់ទីតាំងជាជនបរទេសនេះសហការល្អសម្រាប់សមត្ថកិច្ច
ប្រតិបត្តិការ ទើបធ្វើការផាកពិន័យជាកំហុសលើកទីមួយចំនួន៥លានរៀល។
ទាក់ទិន
និងករណីនេះលោក ជួន សុបញ្ញា
ព្រះរាជអាជ្ញារងដែលជាតំណាងអយ្យការបានអោយដឹងថា
ចំពោះវិធានការត្រូវចាត់ការបន្តទៀតនោះ
លោកបានប្រគល់ការងារទៅអោយស្ថាប័នជំនាញគឺខាងសុខាភិបាល
តើត្រូវមានចំណាត់ការបែបណា ? តើត្រូវពិន័យអន្តរកាលឬមានវិធានការតាមច្បាប់ ? ។
លោកស្រី
លី វណ្ណៈ
ប្រធានការិយាល័យគ្រប់គ្រងឱសថនៃមន្ទីរសុខាភិបាលខេត្តសៀមរាបបានអោយ
ដឹងថា ឱសថដែលរកឃើញថាខុសច្បាប់ទាំងអស់នេះត្រូវដកហូត
ចំណែកទីតាំងនេះត្រូវបិទទ្វារជាបណ្តោះអាសន្នមិនអោយដំណើរការតទៅទៀត
ទេ ហើយចាំបាច់ត្រូវពិន័យគាត់ទៅតាមច្បាប់ស្តីពីការគ្រប់គ្រងឱសថ
ផងដែរ ព្រោះនេះជាកំហុសលើកទីមួយ។ លោកស្រីបន្តថា
បើសិនជាគាត់ចង់បើកធ្វើអាជីវកម្មលក់ឱសថ
ចាំបាច់ត្រូវបំពេញបែបបទរកអ្នកតំណាងអោយបានត្រឹមត្រូវ
ដើម្បីសុំច្បាប់ពីក្រសួងសុខាភិបាល។
ពាក់ព័ន្ធ
នឹងប្រតិបត្តិការនេះប្រភពពីមន្ត្រីនគរបាលបានអោយដឹងថា
ទីតាំងមួយនេះខាងសមត្ថកិច្ច គ្រោងនឹងបង្ក្រាបកាលពីរសៀលថ្ងៃទី០៣
ខែកក្កដា មកម្ល៉េះ តែការងារនេះត្រូវបានខកខានទៅវិញដោយ
សារតែខាងតំណាងអយ្យការលោក ហេង ផេង
បោះបង់ចោលការដឹកនាំអនុវត្តប្រតិបត្តិការឆែកឆេរ។ប៉ុន្តែលោក ហេង
ផេង
បានប្រាប់កម្ពុជាថ្មីនៅរសៀលថ្ងៃទី៤ខែកក្កដាឆ្នាំ២០១២ថាមូលហេតុ
ដែលខកខាននោះដោយសារតែគ្មានដីកា៕form kpt
