មន្ទីរពេទ្យ កាល់ម៉ែត ចាប់ផ្តើម សាងសង់ អាគារវិទ្យាសាស្រ្ត ប្រព័ន្ធប្រសាទ កំពស់ ៥ជាន់

ភ្នំពេញ: នៅមន្ទីរពេទ្យកាល់ម៉ែត កាលពីរសៀល ថ្ងៃទី២៦ ខែមិថុនា ឆ្នាំ២០១២ នេះបាន រៀបចំ ពិធីក្រុងពិលី សាងសង់អាគារ មជ្ឈមណ្ឌលវិទ្យា សាស្រ្តប្រព័ន្ធ ប្រសាទ កំពស់៥ ជាន់ក្រោមអធិបតីភាព លោក
ឈាង រ៉ា អគ្គនាយកមន្ទីរ ពេទ្យកាល់ម៉ែត រួមទាំងបុគ្គលិក មន្រ្តីរាជការ និងវេជ្ជបណ្ឌិត នៃមន្ទីរពេទ្យកាល់ម៉ែត ជាច្រើននាក់ ទៀត ។
តាមមន្រ្តីជំនាញ នៃវេជ្ជបណ្ឌិត មន្ទីរពេទ្យ កាល់ម៉ែត បានឱ្យដឹង ក្នុងពិធីក្រុង ពិលី នារសៀល នោះថា អាគារដែលត្រូវសាង សង់ជាមជ្ឈមណ្ឌល វិទ្យាសាស្រ្ត ប្រព័ន្ធ ប្រសាទ មានកំពស់៥ជាន់ ដែលចំណាយថវិកា របស់រាជរដ្ឋាភិបាល កម្ពុជា ម្ចាស់គំរោង ក្រសួង សុខាភិបាល ម្ចាស់សំណង់មន្ទីរ ពេទ្យកាល់ម៉ែត។
ប្រភពព័ត៌មាន ដដែលបានបន្តទៀតថា ការសាងសង់អាគារនេះ ដោយក្រុមហ៊ុន (លីឈួង) សំណង់ និងអាហរ័ណនិហរ័ណ ។ ហើយនៅព្រឹក ថ្ងៃទី២៧ ខែមិថុនានះ មន្ទីរពេទ្យកាល់ម៉ែត និងរៀបចំពិធីបញ្ចុះ បឋមសិលា សាង សង់ អាគារមជ្ឈមណ្ឌលវិទ្យាសាស្រ្ត ប្រព័ន្ធវិទ្យាសាស្រ្ត ប្រព័ន្ធប្រសាទ និងសម្ភោធ អាគារជួសជុលថ្មីសម្រាប់ ផ្នែកវះកាត់និងសម្ភព ក្រោមអធិបតីភាពលោកម៉ម ប៊ុនហេង រដ្ឋមន្រ្តីក្រសួងសុខខាភិបាល ៕