ភ្នំពេញ
៖ នៅព្រឹកថ្ងៃសៅរ៍ ទី៣០ ខែមិថុនា ឆ្នាំ២០១២
ស្ថាប័នពាក់ព័ន្ធជាច្រើនរបស់រាជរដ្ឋាភិបាលកម្ពុជា
ជាពិសេសស្ថាប័នមានសមត្ថកិច្ច
បានផ្តើមសាកល្បងកម្លាំងគ្រប់ផ្នែកទាំងអស់
ដើម្បីត្រៀមរៀបចំទទួលគណៈប្រតិភូ
នៅក្នុងកិច្ចប្រជុំរដ្ឋមន្ត្រីការបរទេសអាស៊ាន
និងកិច្ចប្រជុំពាក់ព័ន្ធជាច្រើនផ្សេងទៀត។
ការ
ត្រៀមរៀបចំ ឬការសាកល្បងនេះ ដោយសារតែប្រទេសកម្ពុជា
គឺជាម្ចាស់ផ្ទះនៃកិច្ចប្រជុំនោះ និងជាប្រធាន...
អាស៊ានទៀតផង
ហើយនៅក្នុងកិច្ចប្រជុំនោះ
មានវត្តមានរបស់ប្រមុខការទូតនៃប្រទេសសមាជិកអាស៊ានទាំង១០
និងប្រទេសមហាអំណាចធំៗ ជាច្រើននឹងអញ្ជើញចូលរួម ។ ក្នុងនោះមាន
លោកស្រី ហ៊ីលឡារី គ្លីនតុន រដ្ឋមន្ត្រីការបរទសអាមេរិកជាដើម
នឹងមកចូលរួមនាសប្តាហ៍ក្រោយនៅភ្នំពេញ ។ស្ថានភាព នៅរាជធានីភ្នំពេញ នាព្រឹកថ្ងៃទី៣០ ខែមិថុនា ឆ្នាំ២០១២ តាំងពីព្រឹកព្រលឹម តាមផ្លូវសហព័ន្ធរុស្ស៊ី ចាប់ពីព្រលានយន្តហោះ រហូតដល់ទីស្តីការគណៈរដ្ឋមន្ត្រី និងផ្លូវទៅកាន់សណ្ឋាគារមួយចំនួនត្រូវបានបិទ ដើម្បីបើកផ្លូវឲ្យក្បួនរថយន្ត ម៉ូតូអម ដោយមានសំឡេងសឺរ៉ែនផងលាន់ឮយ៉ាងកងរំពង ហើយសមត្ថកិច្ចត្រូវបានដាក់ពង្រាយ ដើម្បីរៀបចំសណ្តាប់ធ្នាប់ដល់ក្បួន ក៏ដូចជារក្សាសុវត្ថិភាពដល់ប្រមុខថ្នាក់ដឹកនាំ នៃបណ្តាប្រទេសផ្សេងៗ ដែលមកដល់។
ពិធី សមជើងនេះបានជួបគ្នានៅព្រលានយន្តហោះអន្តរជាតិភ្នំពេញ និងនៅទីស្តីការគណៈរដ្ឋមន្ត្រី ហើយក្បួនរថយន្តប៉ូលិសជាច្រើនបានធ្វើសកម្មភាព ដូចជាការដឹកជញ្ជូនភ្ញៀវមែនទែន និងមានការបិទផ្លូវពីព្រលានយន្តហោះ មកកាន់រាជធានីភ្នំពេញ ដែលសកម្មភាពនោះ ត្រូវបានរៀបចំធ្វើឡើងយ៉ាងយកចិត្តទុកដាក់។
បើ
តាមមន្ត្រីសមត្ថកិច្ចមួយរូបបាននិយាយថា ការសមជើងនេះ
ក្នុងបំណងដើម្បីឲ្យដឹងច្បាស់លាស់អំពីរបៀបរបប និងបច្ចេកទេស
ក្នុងការរៀបចំ និងវិធីសាស្ត្រក្នុងការទទួលភ្ញៀវគណៈប្រតិភូធំៗ
ជាពិសេសការពារសុវត្ថិភាព ជូនថ្នាក់ដឹកនាំ
ដែលមកចូលរួមក្នុងកិច្ចប្រជុំអាស៊ាននៅប្រទេសកម្ពុជា។
សូម បញ្ជាក់ថា គណៈប្រតិភូដែលអញ្ជើញមកចូលរួមកិច្ចប្រជុំនេះមានចំនួន៣០ប្រទេស ហើយនៅអំឡុងពេលនៃកិច្ចប្រជុំនោះ មានឯកសារសំខាន់ៗ ចំនួន៥ នឹងត្រូវចុះហត្ថលេខាដោយរដ្ឋមន្ត្រីការបរទេសអាស៊ាន និងរដ្ឋមន្ត្រីការបរទេស នៃប្រទេសជាដៃគូនានាដូចជា ទី១-សេចក្តី ប្រកាសស្តីពីពិធីសារលើសន្ធិសញ្ញា នៃតំបន់អាស៊ីអាគ្នេយ៍ គ្មានអាវុធនុយក្លេអ៊ែរ ដោយរដ្ឋមន្ត្រីប្រទេសអាស៊ានទាំង១។ ទី២-អនុស្សារណៈ នៃការយោគយល់គ្នារវាងអាស៊ាន និងចិនលើសន្ធិសញ្ញាស្តីពីតំបន់អាស៊ីអាគ្នេយ៍ គ្មានអាវុធនុយក្លេអ៊ែរ ។
សូម បញ្ជាក់ថា គណៈប្រតិភូដែលអញ្ជើញមកចូលរួមកិច្ចប្រជុំនេះមានចំនួន៣០ប្រទេស ហើយនៅអំឡុងពេលនៃកិច្ចប្រជុំនោះ មានឯកសារសំខាន់ៗ ចំនួន៥ នឹងត្រូវចុះហត្ថលេខាដោយរដ្ឋមន្ត្រីការបរទេសអាស៊ាន និងរដ្ឋមន្ត្រីការបរទេស នៃប្រទេសជាដៃគូនានាដូចជា ទី១-សេចក្តី ប្រកាសស្តីពីពិធីសារលើសន្ធិសញ្ញា នៃតំបន់អាស៊ីអាគ្នេយ៍ គ្មានអាវុធនុយក្លេអ៊ែរ ដោយរដ្ឋមន្ត្រីប្រទេសអាស៊ានទាំង១។ ទី២-អនុស្សារណៈ នៃការយោគយល់គ្នារវាងអាស៊ាន និងចិនលើសន្ធិសញ្ញាស្តីពីតំបន់អាស៊ីអាគ្នេយ៍ គ្មានអាវុធនុយក្លេអ៊ែរ ។
ទី៣-ពិធីសារលើសន្ធិសញ្ញាស្តីពីតំបន់អាស៊ីអាគ្នេយ៍គ្មានអាវុធនុយក្លេអ៊ែរ ដោយប្រទេសមហាអំណាចទាំងប្រាំ ។ ទី៤-លិខិត
តុបករណ៍ នៃការចូលជាភាគីរបស់សហភាពអ៊ឺរ៉ុប និងលិខិតតុបករណ៍
នៃការបន្តលើសន្ធិសញ្ញា នៃមិត្តភាព
និងសហប្រតិបត្តិការនៅអាស៊ីអាគ្នេយ៍ និងទី៥-លិខិត
តុបករណ៍ នៃការចូលជាភាគីរបស់ចក្រភពអង់គ្លេស
ព្រមទាំងលិខិតតុបករណ៍ នៃការបន្តលើសន្ធិសញ្ញា នៃមិត្តភាព
និងសហប្រតិបត្តិការនៅអាស៊ីអាគ្នេយ៍។
សម្តេច
អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
នឹងអញ្ជើញជាអធិបតីភាព នៅក្នុងពិធីបើកកិច្ចប្រជុំនោះ
ហើយឯកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស
និងសហប្រតិបត្តិការអន្តរជាតិកម្ពុជា នឹងធ្វើជាប្រធាន
នៃកិច្ចប្រជុំទាំងឡាយខាងលើនេះ៕from kpt
