អ្នកធ្វើគ្រឿងសង្ហារឹមជនជាតិ
អេស្ប៉ាញម្នាក់មានឈ្មោះថា OHEA
បានបង្ហាញគ្រែមួយលេចមុខដំបូងគេបង្អស់ក្នុងពិភពលោក
គឺគ្រែអាចរៀបចំខ្លួនឯងដោយស្វ័យប្រវត្តិ
ដើម្បីផ្ដល់ភាពងាយស្រួលដល់អ្នកគេងក្នុងការរៀបចំគ្រែនៅពេល
ព្រឹក។
ចំណាយពេលត្រឹមតែ ៥០ វិនាទី ប៉ុណ្ណោះ គឺផ្ដើមចេញពីការលាតត្រដាងនៃមេកានិចម៉ាស៊ីនរបស់គ្រែនេះ ដែលមានឧបករណ៍ ២ សម្រាប់មូរកម្រាលពូកឲ្យទៅសភាពដើមវិញ ហើយក្នុងពេលនោះដែរ ខ្នើយក៏ត្រូវបានរៀបចំផងដែរ តាមរយៈខ្សែដែលបានភ្ជាប់ទៅនឹងស្រោមខ្នើយ ដែលមានបន្ទះមួយសម្រាប់លើក និងរៀបចំខ្នើយឲ្យមានរបៀប។ ខាងក្រោមនេះជាវីដេអូឃ្លិប ដែលបង្ហាញពីការរៀបចំគ្រែនេះដោយខ្លួនឯង៖
ក្រៅពីសមត្ថភាពមានសមត្ថភាពអាចរៀបចំគ្រែដោយខ្លួនឯងបាន អ្វីដែលពិសេសជាងនេះទៅទៀតនោះ គ្រែនេះក៏មានប្រព័ន្ធសុវត្ថិភាពសម្រាប់ការពារផងដែរ នៅពេលដែលមានមនុស្សកំពុងតែគេងនៅលើគ្រែនោះ។ គ្រែនេះក៏បានផ្ដល់កុងតាក់ ២ សម្រាប់អ្នកប្រើប្រាស់ផងដែរ ដោយកុងតាក់ទី ១ គឺអាចប្រើដោយដៃរបស់យើងដើម្បីបញ្ជាឲ្យគ្រែនេះធ្វើអ្វីខ្លះ ហើយចំណែកឯកុងតាក់ទី ២ គឺបញ្ជាឲ្យគ្រែនេះធ្វើការងារទាំងអស់ដោយខ្លួនឯង។
ប្រែសម្រួល៖ តុង
