ផ្សាយក្នុងផ្នែក ផលិតផលថ្មី ដោយ dy.bunnara កាលពី 2 days ago
Opitmus LTE LU6200 ជាម៉ូដែលថ្មីមួយទៀតរបស់ក្រុមហ៊ុន LG ដែល
ទើបតែប្រកាសចេញលក់ជាផ្លូវការនៅលើទីផ្សារពិភពលោកកាលពីពេល
ថ្មីៗនេះ។ បច្ចុប្បន្នសេរីទូរស័ព្ទដ៏ទំនើបនេះ
ក៏កំពុងតែចល័តខ្លួននៅលើទីផ្សារប្រទេសកម្ពុជាផងដែរ។
តម្លៃប្រហាក់ប្រហែល ៤៥០ ដុល្លារអាមេរិក
Optimus LTE LU6200 ដំណើរការណ៍ដោយ Android V2.3.5 (Gingerbread) ស៊េរីចាស់ជាមួយអង្គគណនាប្រភេទ Dual-core 1.5 GHz Scorpion និងប្រើប្រាស់កាមេរ៉ាទំហំ 8MP ដោយបន្ថែមមុខងារ autofocus និង LED flash ជាជំនួយក្នុងការថតរូបភាពផ្សេងៗបានច្បាស់ល្អ។
ជាមួយគ្នានេះដែរ នៅលើទូរស័ព្ទដៃស៊េរីថ្មីនេះ បានបំពាក់ជាមួយអង្គចងចាំខាងក្នុងទំហំ 1GB និងមានសមត្ថភាពផ្ទុកបាន 4GB និងអាចបន្ថែមទំហំដល់ 32GB ជាមួយ microSD ដោយគ្មានបារម្ភពីការរអាក់រអួលក្នុងការដំណើរការណ៍កម្មវិធីផ្សេងៗ។ ក្រៅពីនេះ នៅមាន Bluetooth, NFC, GPS និងជាមួយប្រព័ន្ធ 4G ដែលផ្តល់ល្បឿនលឿនក្នុងការប្រើប្រាស់អ៊ីនធឺណិតផងដែរ។
ដោយ៖ ប៊ុណ្ណារ៉ា
