ភិន សុដាលីស បកស្រាយរូបថតឱបគ្នាលើ Facebook ~ NAKTA

ក្រោយលេចធ្លាយរូបភាពឱបថើបគ្នាស្អិតល្មួតប៉ុន្មានសន្លឹក នាប៉ុន្មានថ្ងៃមុននេះ លើបណ្ដាញ Facebook តារាសម្ដែងតូចច្រឡឹង ភិន សុដាលីស បានចេញមុខអះអាងថា បុរសក្នុងរូបនោះ មិនមែនជាគូស្នេហ៍នាងទេ។
រូបថតប៉ុន្មានសន្លឹកដ៏គួរឲ្យភ្ញាក់ផ្អើលរបស់តារាសម្ដែងវ័យ ក្មេង ភិន សុដាលីស ត្រូវបានគេបង្ហោះនៅលើបណ្ដាញ Facebook និងត្រូវបានសារព័ត៌មានអេឡិចត្រូនិកមួយបានចុះផ្សាយ។ ដែលក្នុងរូបនោះ គេឃើញ ភិន សុដាលីស បានបណ្ដោយខ្លួនឲ្យ
បុរសវ័យស្របាលគ្នាម្នាក់ឱបថើបយ៉ាងត្រជាក់ ចិត្ត។ តាមរយៈរូបភាពទាំងនោះ គេសន្និដ្ឋានថា ស្រីតូច ភិន សុដាលីស និងបុរសនោះ គឺជាគូស្នេហ៍នឹងគ្នា ព្រោះបើមិនដូច្នេះទេ ប្រាកដជាមិនផ្អែមល្ហែមបែបនេះទេ។
យ៉ាងណា ក៏ដោយ តារាសម្ដែងដែលទើបក្លាយជាម្ចាស់ភូមិគ្រឹះស្កឹមស្កៃថ្មីៗនោះ បានប្រាប់ Sabay ថា បុរសវ័យក្មេងនោះ មិនមែនអ្នកពិសេស ឬមិត្តប្រុសរបស់នាងទេ ព្រោះនាងពិតជាមិនទាន់មានមែន។ ភិន សុដាលីស បាននិយាយថា “រូបថតនោះខ្ញុំបានថតមែនតាំងពីខ្ញុំមិនទាន់ចូលសិល្បៈម្ល៉េះ គឺក្នុងអំឡុងដើមឆ្នាំ២០១០ តាមរយៈការស្នើសុំរបស់មិត្តភ័ក្ដិ…តែបុរសនោះមិនមែនជាសង្សារ ឫជាគូស្នេហ៍របស់ខ្ញុំទេ គឺគ្រាន់តែជាមិត្តភ័ក្ដិធម្មតាដូចមិត្តភ័ក្ដិផ្សេងៗឯទៀតតែ ប៉ុណ្ណោះ”។ ដាលីស បន្ថែមថា កាលណោះមិត្តភ័ក្ដិនាង បានស្នើឲ្យថតជាឈុតខារ៉ាអូខេលេង ដោយដើរតួជាគូសង្សាមួយគូដែលស្រឡាញ់គ្នាជាមួយបុរសនោះ ដូច្នេះហើយទើបមើលទៅឃើញថា ដូចជាស្និទ្ធស្នាលដូចគូស្នេហ៍បែបនេះ។
នៅពេលសួរថា បើគ្រាន់តែជាមិត្តភ័ក្ដិ ហេតុអី្វ ហ៊ានថតរូបឱបថើបគ្នាបែបនេះ? ភិន សុដាលីស ឆ្លើយថា ព្រោះតែកាលណោះ នាងនៅក្មេងខ្ចីពេក គិតមិនបានវែងឆ្ងាយទើបព្រមថត មិននឹកស្មានថា មកកើតរឿងក្នុងពេលនេះទេ ម្យ៉ាងកាលណោះ នាងក៏មិនទាន់ចូលសិល្បៈដែរ។
រូបភាពបែបនេះ បើនិយាយពីសិល្បករ ដូចជាសត្រូវអីចឹង ព្រោះតែគេយល់ថាអាចធ្វើឲ្យប៉ះពាល់ដល់កេរ្តិ៍ដែលខំសាងមក។ ស្រីស្អាត ភិន សុដាលីស ក៏ដូចគ្នា ខណៈនាងទទួលស្គាល់ថា តិចឬច្រើនពិតជាប៉ះពាល់ដល់កេរ្តិ៍របស់នាង។ ប៉ុន្តែទោះជាយ៉ាងណា ត្បិតមិនដឹងថា នរណាជាអ្នកបង្ហោះរូបនេះ និងមានបំណងអ្វីឲ្យពិតប្រាកដ ក្នុងជំហរមិនចាប់ទោសអូសដំណើរ ក្រៅពីចង់បកស្រាយថា នាង និងបុរសក្នុងរូប មិនមែនជាសង្សានិងគ្នា កញ្ញា បានសំណូមពរថែមទៀតដល់អ្នកដែលបានបង្ហោះរូបទាំងអស់នោះថា ប្រសិនបើមាននៅសល់រូបទាំងនោះច្រើនទៀត សូមបង្ហោះចេញមកទាំងអស់តែម្ដងទៅ ព្រោះនាងក៏ចង់មើលលេងដែរ ដោយសាររូបនោះនាងបាត់អស់ហើយ។
មានសិល្បករមួយចំនួនក៏ដូច្នេះដែរ ពេលធ្លាយរូបថតបែបនេះ ច្រើនគេចពីការសាកសួររបស់អ្នកសារព័ត៌មាន ជាក់ស្ដែងកញ្ញា តូតា ដែលទើបនឹងធ្លាយរូបភាពស្និទ្ធស្នាលជាមួយកំលោះ ទឹម នីដា ជាឧទាហរណ៍ស្រាប់។ ប៉ុន្តែផ្ទុយពីកញ្ញា តូតា ដែលមិនព្រមឆ្លើយតបនឹងការសាកសួរ ស្រីស្រស់ស្រគត់ស្រគុំ ភិន សុដាលីស បានចេញមុខបកស្រាយថា រូបភាពនោះ គឺជាការថតលេងក្នុងរង្វង់មិត្តភ័ក្ដិប៉ុណ្ណោះ៕
ចុះគ្នាវិញយើងវិញ ពេលសាមីខ្លួនបកស្រាយបែបនេះហើយ តើជឿឬមិនជឿ?

NAKTA_KHMER

Language

អត្ថបទថ្មីៗ

ឧត្តមសិក្សាសាធារណៈ

គ្រឹះស្ថានឧត្តមសិក្សាឯកជន

Links