ថ្វី
ត្បិតតែមនុស្សយើងមិនស៊ីជោរក៏ដោយចុះ
ប៉ុន្តែបើគេបង្អាប់ដោយចំៗប្រាកដជាខឹងជាមិនខាន។
ដូច្នេះចូរអ្នកមានការប្រុងប្រយ័ត្នបន្តិចនូវក្នុងការកែប្រែអ្នក
ដទៃដោយមិនឱ្យគេមានការថ្នាំងថ្នាក់នឹងយើង។
ជាធម្មតាធម្មជាតិរបស់មនុស្សតែងតែចង់បង្ហាញថាខ្លួនខ្លាំង
ខ្លួនពូកែ មិនចង់ឱ្យគេមើលស្រាលខ្លួន
ដោយសារតែកត្តាដូចនេះហើយទើបមនុស្សយើងមានការពិបាកនូវក្នុងការ
ទទួលយកនូវមតិរិះគន់ពីអ្នកដ៏ទៃ
ហើយមិនដឹងថាពេលខ្លះគេរិះគន់យើងនៅក្នុងន័យស្ថាបនានោះឡើយ។ ...
ដូចនេះថ្ងៃនេះ
សូមបង្ហាញពីគន្លឹះមួយចំនួននៅក្នុងការកែប្រែចរិតលក្ខណៈរបស់
អ្នកដទៃ ដើម្បីកុំឱ្យគេមានការខឹងសម្បារនឹងយើងបាន។
· ធ្វើខ្លួនឱ្យក្លាយជាចំណែកមួយនៃបញ្ហាដែលអ្នកកំពុងតែរិះគន់ជាមុនសិន
តើនរណាមួយដែលមិនខឹងនោះ
ប្រសិនជាគេធ្វើការរិះគន់ដោយចំៗដោយមិនទាន់ដឹងពីមូលហេតុ
ឬក៏មិនដឹងខ្លួននោះ? ហេតុដូចនេះហើយ
មុននឹងធ្វើការរិះគន់អ្នកដទៃចូរតាំងខ្លួនអ្នកថាជាចំណែកមួយនៃ
បញ្ហាជាមុនសិន ដើម្បីឱ្យបុគ្គលដែលអ្នកចង់កែលម្អយល់ថា
អ្នកពិតជាមានការព្រួយបារម្ភចំពោះបញ្ហានេះយ៉ាងខ្លាំង
ហើយបញ្ហានេះក៏ជាបញ្ហារបស់អ្នកដែរ។
· រក្សាចិត្តស្ងប់ និងតែងតែប្រើសម្តីពីរោះពិសា
មនុស្សដែលមានភាពឆ្លាតវៃនៅក្នុង
ការកែប្រែអ្នកដទៃ គឺជាមនុស្សដែលតែងតែរក្សានូវចិត្តស្ងប់
រំងាប់បាននូវកំហឹងរបស់ខ្លួន
ពោលគឺមិនយកកំហឹងរបស់ខ្លួនទៅជះដាក់អ្នកដទៃនោះទេ។
និយាយរួមជននេះ តែងតែផ្តល់នូវការណែនាំ
ឬក៏និយាយទៅកាន់អ្នកដែលត្រូវគេណែនាំនោះដោយពាក្យសម្តីពីរោះពិសា
ជានិច្ច។ ជាក់ស្តែង ដូចយើងដឹងស្រាប់ហើយថា
តើនរណាម្នាក់ទៅដែលមិនខឹងនោះ
ប្រសិនជាគេប្រើសម្តីគ្រោតគ្រាតដាក់ខ្លួននោះ? ចូរអ្នកចងចាំថា
ការដែលប្រើនូវពាក្យសម្តីគ្រោតគ្រាតដាក់អ្នកដទៃនោះ
មិនត្រឹមតែធ្វើឱ្យគេខឹងនោះទេ
គឺមានតែរឹតតែធ្វើឱ្យគេផ្គើនត្រឡប់ដាក់វិញជាមិនខាន។
· ជូនអំណោយដោយសរសើរគេជាមុនសិន មុននឹងធ្វើការរិះគន់
ចូរអ្នកធ្វើការលើកសរសើរនូវរាល់
ចំណុចល្អ និងបង្ហាញនូវគុណប្រយោជន៍របស់គេឱ្យបានច្រើនជាមុនសិន
ដើម្បីឱ្យគេមានភាពកក់ក្តៅ មុននឹងធ្វើការរិះគន់
ឬណែនាំអ្នក ដទៃ។
ការធ្វើដូចនេះមិនត្រឹមតែធ្វើឱ្យគេអាចទទួលយកនូវអ្វីដែលយើង
ណែនាំនោះទេ ប៉ុន្តែថែមទាំងធ្វើឱ្យគេមានភាពសប្បាយរីករាយ អរគុណ
និងមានអារម្មណ៍រីករាយនៅក្នុងការផ្លាស់ប្តូរទៀតផង។
· ធ្វើការរិះគន់ក្នុងជំហរជាកណ្តាលដោយក្តីស្រឡាញ់
មុន
និងធ្វើការរិះគន់ ឬក៏ណែនាំទៅគេ ចូរលើកទឹកចិត្តគេថា
អ្នកមិនមានកំហុសទេនៅក្នុងរឿងនេះ
ប៉ុន្តែគ្រាន់តែអ្នកនៅមានចំណុចខ្វះខាតបន្តិចនៅត្រង់ចំណុចនេះ
ប្រសិនជាអ្នកធ្វើការកែលម្អវាបន្តិចនោះ
អ្នកប្រាកដជាធ្វើវាបានល្អជាមិនខាន។
· មិនបោះបង់គេចោល ឱ្យគេមានអារម្មណ៍កណ្តោចកណ្តែង
ចូរ
អ្នកបង្ហាញពីអារម្មណ៍របស់អ្នក ដើម្បីឱ្យគេដឹងថា
អ្នកនៅតែមានការគាំទ្រគេជាប់ជានិច្ចនៅក្នុងការកែប្រែទាំង
ផ្នែកសម្ភារៈ និងស្មារតី។ គ្រប់ពេលគ្រប់វេលាអ្នកនិងជួយដល់គេ
ដើម្បីឱ្យគេបានសម្រេចជោគជ័យ។ ជាងនេះទៅទៀត អ្នកអាចសន្យាថា
អ្នកនឹងមានអំណោយជូនគេជាមិនខាន ប្រសិនជាគេអាចកែប្រែ
ឬមួយក៏ផ្លាស់ប្តូរបានជោគជ័យ។
