iPadមានយូរហើយ? Trackback
iPad អានថា “អាយភែត” គឺជា Tablet ដែលរចនា បង្កើត និងលក់ដោយក្រុមហ៊ុន Apple Inc. ហើយវាត្រូវបានប្រើប្រាស់យ៉ាងពិសេសសម្រាប់ឯកសារមេឌាសំឡេងនិង រូបភាព ដូចជាសៀវភៅ ភាពយន្ត តន្ត្រី ហ្គេម និងអ៊ីនធឺណិត។ iPad ត្រូវបាននាំមកជូនដំបូងនៅថ្ងៃទី ២៧ ខែមករា ឆ្នាំ ២០១០ ដោយនាយកប្រតិបត្តិ Apple លោក Steve Jobs។iPad មានទំហំ និងទម្ងន់ស្ថិតនៅចន្លោះរវាងទូរស័ព្ទ និងកុំព្យូទ័រយួរដៃ។ វាដំណើរការប្រព័ន្ធប្រតិបត្តិការដូច iPod Touch និង iPhone ដែរគឺ iOS និងអាចដំណើរការកម្មវិធីខ្លួនឯងផង និងកម្មវិធី iPhone ផង។ ក្នុងករណីពុំមានការផ្លាស់ប្តូរអ្វីទេ iPad អាចដំណើរការតែកម្មវិធីដែលចេញដោយ Apple និងចែកចាយតាម App Store តែប៉ុណ្ណោះ ករណីលើកលែងចំពោះកម្មវិធីដែលដំណើរការនៅក្នុង Web browser។
Apple ចេញលក់ iPad ជំនាន់ទីមួយនៅខែមេសា ឆ្នាំ ២០១០ និងលក់បាន ៣ លានគ្រឿងក្នុងរយៈពេលតែ ៨០ ថ្ងៃប៉ុណ្ណោះ។ ក្នុងឆ្នាំ ២០១០ Apple លក់ iPad ជំនាន់ទីមួយបាន ១៤,៨ លានគ្រឿងទូទាំងពិភពលោក ដែលស្មើនឹង ៧៥% នៃ Tablet សរុបដែលលក់បាននៅចុងឆ្នាំ ២០១០។
ថ្មីៗនេះក៏មានពាក្យចចាមអារ៉ាមថា iPad 3 នឹងចេញមុខនៅឆ្នាំ ២០១២ ជាមួយនឹងកម្រាស់ក្រាសជាងមុន និងអេក្រង់ High Resolution ទៀតផង៕
