បន្ទាប់ពីក្រុមហ៊ុន Honda និង Yamaha ទើបតែប្រកាសចេញលក់ម៉ូតូស៊េរីទំនើបៗរៀងៗខ្លួននៅលើទីផ្សារប្រទេសកម្ពុជា ដោយឡែកសម្រាប់ក្រុមហ៊ុន Suzuki ថ្មីៗនេះក៏បានចេញលក់ស៊េរីម៉ូតូអូតូដ៏ទំនើបនិងថ្មីសន្លាងម៉ូដែល Nex ដែលមានកម្លាំងម៉ាស៊ីន ១១៣សេសេ។..
Nex មាន៣ពណ៌ (ស-ផ្កាឈូក-ត្រួយចេក) តម្លៃប្រហាក់ប្រហែល ១ ៤០០ដុល្លារ (គិតត្រឹមដើមខែកក្កដា ២០១២)
ម៉ូតូ
ម៉ូដែលថ្មីនេះ មានបណ្ដោយប្រវែង ១៨៥០ មិល្លីម៉ែត្រ ទទឹង ៦៥៥
មិល្លីម៉ែត្រនិងកម្ពស់ ១០៣៥ មិល្លីម៉ែត្រ
ជាមួយកម្ពស់ពីបាតដីទៅម៉ាស៊ីនប្រវែង ១៣៥ មិល្លីម៉ែត្រ។ Nex
ស៊េរីឆ្នាំ២០១៣ ជាប្រភេទម៉ូតូ Scooter លេខអូតូ កម្លាំង ១១៣ សេសេ
ស៊ីឡាំង ១ ច្រាន ៤ តង់ ហើយការប្រើប្រាស់ថាមពល ១
លីត្រអាចបើកបរបានចម្ងាយផ្លូវប្រហែល ៥២គីឡូម៉ែត្រ។ចំពោះ ប្រព័ន្ធសុវត្ថិភាពវិញ Nex បំពាក់ហ្រ្វាំងមុខជាប្រភេទហ្រ្វាំងបូម និងហ្រ្វាំងក្រោយជាហ្រ្វាំងស្បែក ជាមួយការរចនាខ្នងកង់ជាកាំបន្ទះ CAST និងធុងសាំងអាចដាក់បានចំណុះ ៣,៥ លីត្រ។ ជាមួយរូបរាងនិងលក្ខណៈសម្បត្តិប៉ុណ្ណេះ តើម៉ូតូស៊េរីថ្មីរបស់ក្រុមហ៊ុន Suzuki មួយនេះ អាចប្រកួតប្រជែងជាមួយម៉ូតូរបស់ក្រុមហ៊ុន Yamaha និង Honda ដែលទើបតែដាក់លក់នៅលើទីផ្សារបានដែរឬទេ?From sabay
