ក្មេងប្រុសចម្លែក មានម្រាមដៃ​​​ ម្រាមជើង៣៤ ជាប់ឯតទគ្គកម្ម ពិភពលោក

កាលពីពេលថ្មីៗ កន្លងមកនេះក្មេងប្រុស ម្នាក់ឈ្មោះ អាកហ្សាត់ សាហ្ស៊ីណា បានកើតមកមានម្រាមដៃ និងម្រាមជើងទាំងអស់៣៤ ប៉ុន្ដែមិនមាន ម្រាមមេដៃនោះទេ ។ ក្មេងប្រុសម្នាក់នេះ រស់នៅស្រុកយូស្ដា ប្រាឌីស ដែលស្ថិតនៅភាគខាង ជើងនៃប្រទេសឥណ្ឌា ហើយក្នុងករណីក្មេងប្រុសនេះ មានម្រាមដៃជើងច្រើន ក្រុមគ្រូពេទ្យក៏មានគម្រោង នឹងជួយធ្វើឱ្យកុមារម្នាក់នេះ មានម្រាមដូចមនុស្សទូទៅដែរ ។
ម្ដាយរបស់ក្មេងប្រុសនេះ បានប្រាប់ឱ្យដឹងដែរថា នាងមានការសប្បាយយ៉ាងខ្លាំង ដែលបង្កើតកូនដំបូងជាកូនប្រុស នាងស្ទើរតែផុតដង្ហើម ពេលឃើញម្រាមដៃជើង កូនរបស់នាង មានច្រើនបែបនោះ ។ តែនាងក៏មិននឹកស្មានដែរថា ការដែលកូននាង ...
មានម្រាមច្រើនយ៉ាងនេះ បានជាប់ឯតទគ្គកម្មជាក្មេង ដែលមានម្រាមច្រើនជាងគេ នៅលើលោកនោះទេ ។
ម្ដាយរបស់ក្មេងប្រុសនេះ បាននិយាយបន្ថែមថា ការពិតនាងមានបំណង ចង់ដាក់រូបកូនប្រុសរបស់នាង មានដៃជើងច្រើននេះបង្ហោះ តាមវេបសាយ តាំងពីឆ្នាំមុនមកម្ល៉េះ ប៉ុន្ដែប្ដីរបស់នាងមិនយល់ព្រម ។
សូមបញ្ជាក់ថា កាលពីឆ្នាំមុន ឯតទគ្គកម្មពិភពលោក បានទៅលើក្មេងប្រុសម្នាក់អាយុ៦ឆ្នាំ ជនជាតិចិន ដែលមានម្រាមដៃ១៥ និងជើង១៦ សរុបទៅគឺ មាន៣១ ចាញ់កុមារនេះ៣ម្រាម ៕from looking today