កាល
ពីយប់ថ្ងៃទី ២៩ ខែ មិថុនា ឆ្នាំ ២០១២
កំលាំងកងរាជអាវុធហត្ថចំនួន៣ស្រុក ក្នុងនោះមានស្រុកបារាយណ៍
ស្រុកសន្ទុក និងស្រុកស្ទោង បានចុះប្រតិបត្តិការបង្រ្កាបគ្រឿងចក្រ
ដែលកំពុងតែរំលោភយកដីតំបន់អភិរក្សត្រីមេពូជ
និងជាតំបន់ជំរកត្រីពងកូន ដឹកនាំការបង្រ្កាបដោយលោក
ឧត្តមសេនីយ៍ត្រី ហង្ស ថុល មេបញ្ជាការកងរាជអាវុធហត្ថខេត្តកំពង់ធំ
ដែលបានទទួលបញ្ជាផ្ទាល់ពី នាយឧត្តមសេនីយ៍ សៅ សុខា
អគ្គមេបញ្ជាការរងកងយោធពលខេមរៈភូមិន្ទ និង
ជាមេបញ្ជាការកងរាជអាវុធហត្ថលើផ្ទៃប្រទេស
ស្ទាក់ចាប់គ្រឿងចក្រនៅតំបន់ពី និងតំបន់៣
ដែលកំពុងតែកាយអាងទឹកខុសច្បាប់ ហើយចាប់បានគ្រឿងចក្រចំនួន25 គ្រឿងនិងរថយន្តដឹកគ្រឿងចក្រមួយគ្រឿង ។
ប្រភព
ពីប្រជាពលរដ្ឋជាច្រើននាក់បាននិយាយថា ពួកគាត់បានជឿលើមេឈ្មួញ
ដែលតែងតែមកបំផុសបំផុល ប្រជាពលរដ្ឋ ឲ្យផ្តិតមេដៃ
ថាមានក្រុមហ៊ុនមកដណ្តើមដីរបស់ពួកគាត់ដល់ជណ្តើរផ្ទះ
ហើយក៏ឲ្យផ្តិតមេដៃសុំដីកុំឲ្យ ក្រុមហ៊ុនមកយក
ចំណែកក្រុមឈ្មួញបាននាំយកស្នាមមេដៃចំនួន ៤០១៤គ្រួសារ
ទៅភូតកុហកថ្នាក់ដឹកនាំថា
ប្រជាពលរដ្ឋបានផ្តិតមេដៃសុំដីនៅតំបន់វាលក្រោម
ដើម្បីបង្កបង្កើនផលដំណាំកសិកម្ម
លុះថ្នាក់លើបានឯកភាពប្រគល់ដីនៅចំណុចនេះ
បែរជាឈ្មួញនាំគ្នាចែកដីគ្នាព្រាត
មិនព្រមប្រគល់ដីជូនប្រជាពលរដ្ឋនោះទេ។ ពួកគាត់បានបន្តថា
ឈ្មួញដែលបានឃុបឃិតគ្នាយកដីនោះឈ្មោះ ជា គឹមហូវ និងលោក ហង្ស ទ្រី
ចំណែកអ្នកនាំស្នាមមេដៃ ឈ្មោះ លោក លឹម ប៊ុនហេង
ប្រធានសុរិយោដីស្រុកស្ទោង ជាអ្នករត់ការភូតកុហកថ្នាក់ដឹកនាំ ។
ប្រជាពលរដ្ឋ
បានបន្តថា នៅពេលនេះលោកទទួលស្គាល់ថា ពិតជានាំគ្នាទៅឈូស
ឆាយហ៊ុំព័ទ្ធដីនៅតំបន់៣ ដែលជាតំបន់ហាមឃាត់ពិតប្រាកដមែន
តែបើមិនឲ្យពួកគាត់ទៅយកដីថ្មីទេនោះ ដីនៅតំបន់២
ដែលទទួលបានស្របច្បាប់ ត្រូវឈ្មួញយកអស់គ្មានសល់ហើយនោះ ។
តាម
ការឲ្យដឹងពីមន្ត្រីអ្នកឃ្លាំមើលបានឲ្យដឹងថា អាងទឹករបស់លោក
នាង ធា បានឃុបឃិតគ្នាជាមួយ មន្ទីរធនធានទឹក និងថ្នាក់ដឹកនាំខេត្ត
បង្ខិតបង្គោលពីតំបន់២ ចូលទៅតំបន់៣ ប្រមាណ ២គីឡូម៉ែត្រ
ដោយគ្មានច្បាប់អនុញ្ញាត ពេលនេះកំពុងតែភ័យស្លន់ស្លោ
រត់ពឹងពាក់ឲ្យថ្នាក់លើជួយ។
លោក
ជាតិ ស៊ីវត្ថា ប្រធានមន្ទីរធនធានទឹក បានឲ្យដឹងថា
លោកបានអនុញ្ញាតឲ្យលើកផ្លូវលំមួយឆ្ពោះទៅភ្នំជីមុស
ដើម្បីសម្រួលការចរាចរដឹកជញ្ជូនកសិផលរបស់បងប្អូនប្រជាពលរដ្ឋ
តែមិនបានអនុញ្ញាតឲ្យកាយអាងទឹក
និងដឹកគ្រឿងចក្រទៅឈូសឆាយដីនៅតំបន់ហាមឃាត់នោះទេ
ហើយការលើកអាងទឹកថ្មី គឺជាការខុសច្បាប់ ។
លោក
ឈុន ឈន់ អភិបាលនៃគណៈអភិបាលខេត្តកំពង់ធំ បានបញ្ជាក់ប្រាប់ថា
សម្រាប់កិច្ចប្រតិបត្តិការ
ចុះបង្រ្កាបគ្រឿងចក្រឈូសឆាយធ្វើអាងទឹកនោះ
មិនទាន់ទទួលលទ្ធផលយ៉ាងណានោះទេ
ដោយសារតែនេះជាប្រតិបត្តិការសម្ងាត់
ចំណែកអ្នកដែលប្រព្រឹត្តកាយអាងទឹកខុសច្បាប់នោះ
លោកមិនដែលបានដឹងថា អ្នកណា ជាអ្នកអនុញ្ញាតនោះឡើយ
រហូតមកដល់ពេលនេះកំពុងតែឲ្យស្រុករាយការណ៍
ចំណែកអ្នកធ្វើខុសច្បាប់ គឺត្រូវដោះស្រាយដោយខ្លួនឯង ៕
from kpt
