ឧបករណ៍ Galaxy Tab ទំហំ ១០,១អ៊ីញនេះ ត្រូវបានគេកែលម្អចេញពីឧបករណ៍ Galaxy Tab អេក្រង់ទំហំ ៧អ៊ីញ ដែលត្រូវបានក្រុមហ៊ុននេះចេញលក់កាលពីខែតុលាឆ្នាំមុន។...
ជោគជ័យនៃការលក់ឧបករណ៍ iPad ដែលត្រូវបានប្រកាសឲ្យដឹងដោយក្រុមហ៊ុន Apple នៅថ្ងៃពុធនេះ បានបង្ហាញនូវឧបសគ្គមួយទៀតសម្រាប់ក្រុមហ៊ុនកូរ៉េខាងត្បូងមួយ នេះ។
ក្រុមហ៊ុន Apple បានឲ្យដឹងថា ក្រុមហ៊ុនលក់ឧបករណ៍ iPad របស់ខ្លួនបានចំនួន ១៤លានគ្រឿងនៅក្នុងឆមាសទី១ឆ្នាំនេះ ប៉ុន្តែ ក្រុមអ្នកវិភាគបានវាយតម្លៃថា ក្រុមហ៊ុន Samsung នឹងលក់ឧបករណ៍ Galaxy Tab បានចំនួនប្រហែល ៧,៥លានគ្រឿងនៅឆ្នាំ២០១១នេះ។
លោក J.K. Shin ប្រធានអង្គភាពទូរស័ព្ទរបស់ក្រុមហ៊ុន Samsung បានប្រាប់អ្នកយកព័ត៌មានថា៖ ដោយសារតែអាជីវកម្មទូរស័ព្ទទំនើបរបស់យើងរីកចម្រើនយ៉ាងឆាប់រហ័ស នៅក្នុងរយៈពេលខ្លីមួយនោះ ខ្ញុំជឿជាក់ថា វាគ្រាន់តែជាបញ្ហាពេលវេលាសម្រាប់អាជីវកម្មកុំព្យូទ័រខ្នាតតូច របស់យើង ឈានទៅរីកចម្រើនតែប៉ុណ្ណោះ។
