ថ្មីៗនេះក្រុមហ៊ុនមួយនៅប្រទេស
រុស្សីដែលមានឈ្មោះថា Orbital Technologies
បានប្រកាសថាខ្លួនមានគម្រោងបង្កើតសណ្ឋាគារលើអវកាសដំបូងបំផុតលើ
លោកឲ្យសម្រេចជាស្ថាពរនៅឆ្នាំ
២០១៦ខាងមុខនេះជាមួយនឹងតម្លៃបន្ទប់ប្រហាក់ប្រហែល ១លានដុល្លារអាមេរិក រយៈពេល ៥យប់។
ប្រភពបានបញ្ជាក់ថាសណ្ឋាគារអវកាស
នេះអាចផ្ទុកមនុស្សបានចំនួន៧នាក់រួមជាមួយនឹងបន្ទប់ផ្ទាល់ខ្លួន
ចំនួន៤ដែលមានបំពាក់បង្គន់និងបន្ទប់ទឹកនៅ
ខាងក្នុង។
សណ្ឋាគារនេះមានគ្រែពីរប្រភេទសម្រាប់ឲ្យភ្ញៀវដែលចូលមកស្នាក់នៅ
ជ្រើសរើសដូចជា៖ គ្រែផ្ដេកនិងគ្រែបញ្ឈរ។
ក្រៅពីបរិក្ខារខាងលើនេះអ្នកគូស
ប្លង់សណ្ឋាគារដ៏អស្ចារ្យនេះបានបន្ថែមបង្អួចរាងរង្វង់មូលដ៏ធំ
មួយដើម្បីឲ្យភ្ញៀវដែលចូលមកស្នាក់នៅមើលទេសភាពដ៏អស្ចារ្យរបស់ភព
ផែនដី។
ចំណែកអាហារប្រចាំថ្ងៃនឹងដឹកយកមកពីភពផែនដីតាមរយៈកប៉ាល់អវកាស
មួយដែលមានឈ្មោះថា Soyuz។
ភ្ញៀវដែលមានបំណងចង់ទៅស្នាក់នៅ
ក្នុងសណ្ឋាគារនេះត្រូវចំណាយពេលហ្វឹកហាត់វគ្គបណ្ដុះបណ្ដាលដ៏ពិសេស
មួយសិនមុននឹងហោះហើរទៅលើអាកាស។
សម្រាប់រយៈពេលស្នាក់នៅចំនួន៥ថ្ងៃភ្ញៀវម្នាក់ត្រូវចំណាយ
ទឹកប្រាក់សរុបប្រហាក់ប្រហែល ១លានដុល្លារអាមេរិក។
