ក្រុមហ៊ុន​ផលិត និង​ចែកចាយ​កុំព្យូទ័រ​ម៉ាក​Acer របស់ ​តៃវ៉ាន់ ដ៏​ល្បីល្បាញ​ជា​យូរ​ឆ្នាំ​ណាស់​មក​ហើយ​នោះ ក្នុង​ឱកាស​ពិព័រណ៍​បច្ចេកវិទ្យា Comutex 2012 ដែល​ប្រារព្ធ​ឡើង​នៅ​តៃវ៉ាន់ ស្រាប់​តែ​ប្រកាស​ចេញ​ទូរស័ព្ទ​ដៃ​វៃ ​ឆ្លាត​ម៉ាក Liquid Glow E330 និង​បាន​គូស​បញ្ជាក់​ថា​OS របស់​Smartphone ស៊េរី​ថ្មី​របស់​ខ្លួន​នេះ ដំណើរការ​លើ​Android ICS 4.0។ នេះ​បើ​តាម​ការ​អះអាង​របស់​itmagz.net កាល​
ពី​ដើម​សប្ដាហ៍​កន្លង​ទៅ។
Acer អះអាង​បន្ថែម​ថា Smartphone ស៊េរី​ថ្មី​នេះ អាច​ហៅ​ថាLiquid Glow E330 ក៏​បាន ឬ​CloudMobile S500។
លក្ខណៈ​សម្បត្តិ​គោល​របស់​Smartphone ស៊េរី​ទំនើប​នេះ មាន CPU 1GHz, RAM 512MB, Wi-Fi, blutooth, NFC បូក​រួម​ទាំង​អេក្រង់​Touchscreen ទំហំ 3.7” ដែល​មាន​Resolution 800 x 480px។ ក្រៅ​ពី​នេះ E330 មាន​វិមាត្រ 117 x 58.5 x 11.5មម និង​ទំងន់ ១២៥ក្រាម។
យ៉ាង​ណា​មិញ Acer បាន​បង្ហើប​ថា Android Smarthone ជំនាន់​ចុងក្រោយ ដំណើរការ​លើ​OS Version ចុងក្រោយ ត្រៀម​ខ្លួន​ជា​ស្រេច​ដើម្បី​ចេញ​លក់​លើ​ទីផ្សារ​ខែក្រោយ​នេះ។ ចំណែក​ឯ​តម្លៃ ក៏​ត្រូវ​ប្រកាស​ពេល​នោះ​ដែរ។
តើ​Smartphone របស់​Acer ភ្ជាប់​ជាមួយ​លក្ខណៈ​ពិសេស​ប៉ុណ្ណឹង អាច​ជ្រៀត​ខ្លួន​ចូល​ប្រជែង​ជាមួយ​ម៉ូដែល​ផ្សេងៗ​ទៀត​ទេ?
ដោយ៖ ជីព ចិត្ត