-Sabay
យោងតាមសេចក្ដីប្រកាសព័ត៌មានពីក្រុមហ៊ុន Nokia ប្រចាំប្រទេសកម្ពុជាដែល Sabay ទើបទទួលបានឲ្យដឹងថា Nokia 808 Pureview
ស្មាតហ្វូនស៊េរីទំនើបចុងក្រោយរបស់ Nokia ដែលមានកាមេរ៉ា៤១
មេហ្គាភិចសែល នឹងមកដល់ទីផ្សារប្រទេសកម្ពុជានៅសប្ដាហ៍ក្រោយ
ពោលគឺដើមខែ កក្កដា ២០១២ខាងមុខនេះ។
បញ្ហារអាក់រអួលមួយចំនួន។
លក្ខណៈសម្បត្តិរបស់Nokia 808 PureView មានដូចជា ៖ កាមេរ៉ាទំហំ 41 megapixels រួមជាមួយកញ្ចក់អុបទិចCarl Zeiss និងបច្ចេកវិទ្យាថតរូបភាពបានល្អនៅពេលខ្វះពន្លឺ, ដំណើរការដោយប្រព័ន្ធប្រតិបត្តិការ Belle, Processor Single-core ល្បឿន 1.3 GHz, អេក្រង់ទំហំ ៤ អ៊ីញ ដែលមាន Resolution 360×640 (nHD), RAM ទំហំ1GB និងអង្គចងចាំខាងក្នុងស្រាប់ទំហំ 16GB ព្រមទាំងអាចបន្ថែមmicroSD បានទៀត។
ក្រៅពីលក្ខណៈសម្បត្តិខាងលើនេះ Nokia 808 PureViewអាចថតនិងមើលវីដេអូកម្រិតHD 1080pរួមជាមួយនឹងមុខងារ Nokia Rich Recording ធ្វើឲ្យការថតយកសំឡេងមានគុណភាពខ្ពស់និងច្បាស់ល្អ។
Smartphone កាមេរ៉ាយក្សនេះបានប្រកាសជាផ្លូវការ កាលពីខែកុម្ភៈកន្លងទៅព្រមជាមួយនឹងការទទួលបាននូវពានរង្វាន់ ធំៗជាបន្តបន្ទាប់ដូចជា ៖ ពានរង្វាន់ “ទូរស័ព្ទចល័តល្អផ្ដាច់គេ (Best Mobile Device)”នៅឯព្រឹត្តិការសមាជទូរស័ព្ទពិភពលោក MWC 2012 និង ពានរង្វាន់ “ទំនើបកម្មរូបភាពល្អផ្ដាច់គេប្រចាំឆ្នាំ២០១២ (Best Imaging Innovation for 2012)” ពីសមាគមសារព័ត៌មានបច្ចេកទេសរូបភាព (Technical Image Press Association)៕
