មិនទាំងអស់នោះទេ គឺក៏មានសិស្សស្រីតែងខ្លួនស្អាតហើយ រៀនពូកែទៀតផង។
“អ្នកតែងខ្លួន ច្រើនតែរៀនអន់”។
នេះជាសម្ដីរបស់យុវជន ជា ចិត្រា និស្សិតសាលាភាសាកូរ៉េ។ ចិត្រា
ឯកភាពទៅនឹងប្រធានបទខាងលើ ព្រោះមានមិត្តភ័ក្ដិខ្លះរបស់ប្អូន
តែងខ្លួនយ៉ាងស្អាត ប៉ុន្តែរៀនខ្សោយមែនទែន។ បើតាមប្អូនយល់ថា
ដោយសារ តែយុវតីទាំងនោះខិតខំតែងខ្លួន
ដូច្នេះមិនបានផ្ដោតទៅលើការសិក្សាទេ។ យុវជន ចិត្រា បានបន្ថែមថា
“មិនត្រឹមផាត់មុខទេ ខ្លះស្លៀកខ្លីទៀតកាន់តែសាហាវតែម្ដង”។
ស្របនឹងការលើកឡើងរបស់ចិត្រា
យុវជន សម្បត្តិ កល្យាណ និស្សិតសាកលវិទ្យាល័យជាតិគ្រប់គ្រង
បានឲ្យដឹងថា នេះជារឿងពិតមែន
ដោយសារប្អូនស្រីរបស់ខ្លួនផ្ទាល់តែងខ្លួនជាប់ជានិច្ច
ទោះបីជាពេលទៅរៀនក៏ដោយ។ យុវជនរូបនេះបានបន្ថែមថា
ពេលខ្លះនៅផ្ទះគឺតែងខ្លួនសុទ្ធតែម្ដង ហើយទៅរៀន
មានជាប់ខ្លួននៅក្រែមលាបមុខជាដើម។ សម្បត្តិ កល្យាណ បានបន្ថែមថា
“ពេលរៀនត្រឹម ៥នាទីគឺផាត់មុខម្ដងហើយព្រោះខ្លាចលែងសរ…”។
ផ្ទុយពីអ្នកទាំងពីរខាងលើនេះ យុវជន
គង់ បូរិន និស្សិតសាកលវិទ្យាល័យជាតិគ្រប់គ្រង
បានចាប់អារម្មណ៍លើមនុស្សស្រីដែលតែងខ្លួនដែរ និងយល់ឃើញថា
មិនមែនសុទ្ធតែយ៉ាងនេះទាំងអស់នោះទេ
គឺមានភាគតិចតែប៉ុណ្ណោះ
ព្រោះជាមិត្តរួមថ្នាក់របស់គេមួយចំនួនគេតែងខ្លួនយ៉ាងស្អាត
ហើយ លទ្ធផលនៃការសិក្សារបស់គេក៏ល្អទៀតផង។
យុវជនម្នាក់នេះបន្ថែមថា “ខ្ញុំឃើញគេតែងខ្លួនដែរ
ពេលចេញលេងទើបគេ ផាត់ថែមបន្តិច…”។
យុវតីកាលណា
ខំតែងខ្លួនការសិក្សានឹងខ្សោយនេះជាការពិត។
នេះជាការលើកឡើងរបស់លោក លោក មាគ ឆរស្មី នាយកវិទ្យាល័យសន្ធរម៉ុក។
លោកអះអាងបែបនេះដោយសារ លោកជាអ្នកធ្វើការជិតជាមួយបញ្ហានេះ។
លោកបន្តថាសម្រាប់សាលារបស់លោក ក៏មានបញ្ហានេះដែរ។
ទោះបីយ៉ាងណា លោកក៏បានទទួលស្គាល់ថា ក្នុងសាលារបស់លោក
នៅតែមានក្នុងចំនួនតិចតួចដែលគ្រប់គ្រងមិនបាន
ហើយបើតាមនាយិការងសាលាទទួលបន្ទុកបញ្ហានេះធ្លាប់បានរាយការណ៍
ថា កូនសិស្សទាំងនេះគឺ មិនបានគិតគូរពីរឿងរៀនសូត្រឡើយ
គ្រាន់យកការរៀនសូត្រជាការបិទបាំងរឿងស្នេហាប៉ុណ្ណោះ។
ជាការដាស់តឿនក្រើនរំលឹកដល់យុវវ័យ
លោក មាគ ឆរស្មី បានបន្ថែមថា
“ខ្ញុំសូមផ្ដាំផ្ញើសូមយុវវ័យទាំងអស់គិតពីការរៀនសូត្រ
ព្រោះការរៀនសូត្រនឹងនាំមកនូវអនាគតត្រចះត្រចង់
មិនមែនទៅរៀនដើម្បីតែងខ្លួននិងដើម្បីស្វែងរកស្នេហានោះទេ
សិក្សាគឺជាគោលដៅពិតប្រាកដរបស់យុវវ័យ”។
