យោងតាមទីភ្នាក់ងារព័ត៌មានកូរ៉េខាង
ត្បូង
YONHAPថាបងប្រុសរបស់ប្រធានាធិបតីកូរ៉េខាងត្បូងលោកលីម្យុងបាក់
ត្រូវបានកោះហៅសួរចម្លើយចាប់ពីព្រឹកថ្ងៃទី៣កក្កដាទៅនៅឯការិយាល័យ
របស់បណ្តារដ្ឋអាជ្ញា
ក្រោយការចោទប្រកាន់នានាពីការរំលោភឥទ្ធិពលដើម្បីទទួលប្រាក់
សំណូកពីបណ្តាធនាគារក្នុងស្រុកដែលកំពុងជួបការលំបាកនិងពីអង្គការ
ជាច្រើនទៀត ។...
អមដោយមេធាវីលោកលីសាងឌីក អាយុ៧៧ឆ្នាំ
ជាប់ជាសមាជិកសភា៦លើកកាលពីមុន ក្រោមស្លាកគណបក្សកាន់អំណាច SAENURI
បានចូលទៅក្នុងការិយាល័យរដ្ឋអាជ្ញាស្ថិតនៅភាគខាងត្បូងក្រុង
សេអ៊ូលនាវេលាម៉ោង១០ ។
លោកមានប្រសាសន៍ថាខ្ញុំមានការរំជួលចិត្តខ្លាំងណាស់ ។
ខ្ញុំនឹងឆ្លើយដោយស្មោះត្រង់ចំពោះសំណួរទាំងឡាយ ។
បងប្រុសប្រធានាធិបតីជាប់សង្ស័យថាទទួលយកដោយ
ខុសច្បាប់នូវទឹកប្រាក់ចំនួនជិត៦០០លានវ៉ុន (៥២៤.៥៦៧ដុល្លារ)
ពីប្រធានអគ្គនាយកធនាគារ SOLOMON SAVING BANK រវាងឆ្នាំ២០០៧
និង២០១០
ដើម្បីជួយបញ្ចុះបញ្ចូលបណ្តាអ្នកនយោបាយនិងបណ្តាសមាជិក
រដ្ឋាភិបាលឱ្យជួយសង្គ្រោះធនាគារនោះ ។
ធនាគារនេះត្រូវផ្អាកមិនឱ្យធ្វើសកម្មភាពកាលពីខែឧសភាកន្លងមក
នេះមកពីខ្វះទុននិងរកស៊ីខុសច្បាប់ ។
ប្រធានអគ្គនាយកធនាគារនោះលោក លីមស៊ិក
ក្រោយមកត្រូវចាប់ខ្លួនហើយត្រូវជាប់ការចោទប្រកាន់ ។
បងប្រុសប្រធានាធិបតីក៏ជាប់សង្ស័យពីការទទួល
ប្រាក់ពីធនាគារMIRAE SAVINGS BANK
ដែលប្រមុខធនាគារនោះក៏ជាប់ចោទពីរឿងរកស៊ីខុសច្បាប់ដែរ ។
លោកក៏ត្រូវសួរចម្លើយលើបញ្ហាទឹកប្រាក់១៥០លានវ៉ុន
ផ្ទេរឱ្យដោយអតីតនិយោជិតម្នាក់របស់ក្រុមហ៊ុន KOLON
និងទឹកប្រាក់៧០០លានវ៉ុន
រកឃើញក្នុងគណនីរបស់នយោជិតក្រុមហ៊ុននោះម្នាក់ ៕
from kohsantepheap
