រុស្ស៊ី
៖ សមាជិករដ្ឋសភារបស់ប្រទេសរុស្ស៊ី ចំនួន៤២៥នាក់
បានអនុម័តផ្តល់ទឹកប្រាក់ចំនួន១០០ពាន់លានដុល្លាអាមេរិក
អោយទៅក្រសួងការពារជាតិ ដើម្បីផ្គត់ផ្គង់ក្រុមអ្នកវិទ្យាសាស្រ្ត
ក្នុងគំរោងស្រាវជ្រាវរកបច្ចេកវិទ្យាថ្មីៗក្នុងការផលិតអាវុធ
ដ៏ទំនើបបន្ថែមទៀត។
មន្ត្រី
ជាន់ខ្ពស់ខាងយោធារបស់ប្រទេសនេះ បានអោយដឹងថា
រដ្ឋាភិបាលនឹងផ្គត់ផ្គង់គំរោងនេះរហូតដល់ឆ្នាំ២០២០ខាងមុខ
ហើយក្រុមអ្នកវិទ្យាសាស្រ្ត
នឹងខិតខំស្រាវជ្រាវរកបច្ចេកវិទ្យាទំនើបទាន់សម័យ
ដើម្បីផលិតអាវុធនិងកាត់...
បន្ថយទំហំនៃសព្វាវុធអោយនៅតូចជាងមុន
ប៉ុន្តែមានថាមពលខ្លាំងក្លាជាងមុនពីរទៅបីដង។
ក្រុម
អ្នកវិភាគបានអោយដឹងថា ការអនុម័តផ្តល់ថវិកាអោយទៅក្រសួង
ការពារជាតិរបស់ប្រទេសរុស្ស៊ី
អាចជាការឆ្លើយតបទៅនឹងការដាក់ពង្រាយកងកម្លាំងយោធានៅពាសពេញ
ពិភព លោករបស់សហរដ្ឋអាមេរិក និងការដាក់
ពង្រាយខែលការពារគ្រាប់មីស៊ីលនៅក្នុងតំបន់អឺរុបផងដែរ៕
