ក្នុងសន្និសីទ Google I/O នៅសាន់ហ្វ្រាន់ស៊ីស្កូកាលពីថ្ងៃពុធម្សិលមិញនេះ Google ប្រកាសវ៉ែនតា របស់ខ្លួនដែលមានលទ្ធភាពអាចថតរូបបាន ហើយដែលត្រៀមបង្ហាញខ្លួនលើទីផ្សារក្នុងរយៈពេល២ឆ្នាំទៀត។
ក្រៅពីមុខងារថតរូប វ៉ែនតា Google
ដ៏ពិសេសនេះនឹងភ្ជាប់មកជាមួយលក្ខណៈសម្បត្តិជាច្រើនដូចជា៖...
កាមេរ៉ា, មាន processor, មានអង្គចងចាំខាងក្នុងសម្រាប់ផ្ទុកទិន្នន័យ,
មានឧបករណ៍ស្រូបសំឡេងសម្រាប់ផ្ញើនិងទទួលសារជាសំឡេង, បើកអ៊ីមែល,
អាចទាញយកព័ត៌មានពីអ៊ីនធឺណិតតាមរយៈបច្ចេកវិទ្យា ឥតខ្សែ Wi-Fi,
multiple radios សម្រាប់ការភ្ជាប់ទំនាក់ទំនងជាមួយmobile data
communication និងមានមុខងារជាច្រើនទៀត។Google បានថ្លែងក្នុងឱកាសនោះថា អេក្រង់វ៉ែនតាដ៏ទំនើបនេះមានទីតាំងនៅចំផ្នែកខាងលើនៃភ្នែករបស់ អ្នកប្រើប្រាស់ ដូចនេះវាមិនបង្កការរំខានដល់អ្នកប្រើនោះឡើយ។
ក្រុមហ៊ុនមិនបានបញ្ជាក់ពីកាលបរិច្ឆេទចេញលក់ជាក់លាក់នោះទេ តែសម្រាប់ក្រុម developer ដែលបានចូលរួមក្នុងសន្និសីទ Google I/Oឆ្នាំនេះអាចកុម្ម៉ង់ទិញវ៉ែនតា Google ប្រភេទ “Explorer Edition” យកទៅសាកល្បងប្រើមុនបានក្នុងតម្លៃ ១៥០០ដុល្លារអាមេរិក៕
