ព្រឹត្តិការណ៍នេះកើតឡើងស្របពេលវេលាគ្នាទៅនឹងបណ្តាប្រទេសទាំង ២៣ ផ្សេងទៀត
នៅជុំវិញពិភពលោកដែល The New iPad
បានចេញដាក់លក់ជាផ្លូវការដើម្បីបម្រើទីផ្សារនិងការទន្ទឹងរង់ចាំ
របស់អ្នកប្រើប្រាស់។
កញ្ញា ឯក អមរិតា
ជាមនុស្សដំបូងគេបង្អស់ដែលបានកាន់ប្រើប្រាស់ The New iPad
បានបង្ហាញអារម្មណ៍របស់ខ្លួនថា អ្វីដែលជាការទន្ទឹងរង់ចាំជាយូរ
ឥឡូវនេះបានក្លាយជាការពិតហើយ។ “ខ្ញុំបានតាំងចិត្តហើយថា
នៅពេលដែលឧបករណ៍ដ៏ទំនើបនេះមកដល់ស្រុកខ្មែរភ្លាមនឹងទិញយកទៅ
ប្រើតែម្តង”។ រិតា បញ្ជាក់បន្ថែម។
ប្រកបដោយទឹកមុខរីករាយ
បង្កប់ដោយស្នាមញញឹម ខណៈពេលកំពុងកាន់ The New iPad
នៅជាប់នឹងដៃយុវនិស្សិត មៀន ពន្លឺ ឲ្យដឹងថា៖ “ខ្ញុំបានដឹងថា The
New iPad នឹងមកដល់ប្រទេសកម្ពុជានៅថ្ងៃនេះ
ដូច្នេះខ្ញុំបានឈរចាំតាំងពីព្រឹកជាមួយមនុស្សម្នាដទៃទៀត
ដើម្បីបានទិញឧបករណ៍ដ៏ទំនើបនេះយកទៅប្រើប្រាស់។ ជាមួយឧបករណ៍នេះ
ខ្ញុំពិតជាមានមោទនភាពចំពោះខ្លួនឯង
និងរួមជាមួយប្រជាជនដទៃទៀតនៅលើពិភពលោកដែលកំពុងប្រើប្រាស់ The New
iPad”។
ចំណែកយុវតីដ៏ស្រស់ស្អាតដែលកំពុងតែ
ឈរតម្រង់ជួរទិញ មុនិក ប្រាប់ថា
ព្រឹត្តិការណ៍នេះពិតជាគួរឲ្យរំភើបខ្លាំងណាស់
និងមានអារម្មណ៍អន្ទះសាចង់ប្រើប្រាស់មែនទែន។ កញ្ញា បន្តថា៖
“កាលដែលប្រជាជនខ្មែរជាច្រើនមកកកកុញនិងតម្រង់ជួរគ្នាយ៉ាងច្រើន
បែបនេះអាចបង្ហាញឲ្យឃើញថា ពួកគេក៏ជាអ្នកគាំទ្រ ផលិតផល Apple
ជាពិសេស The New iPad នេះដែរ។
លោក Houv Boram
ប្រធានផ្នែកទីផ្សាររបស់ក្រុមហ៊ុន iOne
ដែលជាក្រុមហ៊ុននាំចូលផ្ដាច់មុខផលិតផល Apple
មកកាន់ទីផ្សារប្រទេសកម្ពុជាឲ្យដឹងថា លោកពិតជារីករាយ
ពេលដែលដែលឃើញប្រជាជនខ្មែរជាច្រើននាក់បានមកប្រមូលផ្ដុំគ្នា
ដើម្បីចាំទិញឧបករណ៍ដ៏ទំនើប The New iPad នេះ។ លោកបន្តថា
អ្នកខ្លះមកតាំងពីព្រឹកម៉ោង ៦ ម៉ោង ៧ ឈររង់ចាំ
ដើម្បីក្លាយខ្លួនជាម្ចាស់កម្មសិទ្ធិដំបូងគេនៅក្នុងប្រទេស
កម្ពុជា។
លោកបញ្ជាក់ថា The New iPad នេះ
ត្រូវបានគេចាត់ទុកថាជាផលិតផលដែលប្រកបដោយលក្ខណៈសម្បត្តិយ៉ាង
អស្ចារ្យ
រួមជាមួយការបំពាក់នូវបច្ចេកវិទ្យាដ៏ទំនើបដែលអាចផ្ដល់ភាពរីករាយ
ក្នុងការបំពេញកិច្ចការងារផ្សេងៗកាន់តែល្អប្រសើរនិងងាយស្រួល។
