ផ្លែកៗ
ធ្មេញចំពើស មានមន្តស្នេហ៍?
ធម្មជាតិផ្ដល់ឲ្យមិនស្មើគ្នាទេ មានអ្នកខ្លះរូបរាងសង្ហា
ឬស្អាតមកស្រាប់តែម្ដង។ មានចំណុចពិសេសៗ ជាច្រើន
ដែលធ្វើមនុស្ស ខុសៗគ្នា។ ចំណុច១ ដែលគេ សង្កេតឃើញនោះ គឺ
មនុស្សប្រុស ឬស្រីណា ដែលមានធ្មេញចំពើស គេថា មានមន្តស្នេហ៍។
តើនេះជាការពិតឬ?
រាងតូចច្រឡឹង សម្បុរសកូនកាត់ចិន
ញញឹមស្រស់អមដោយធ្មេញចំពើស កញ្ញា លក្ខណា និស្សិតសាកលវិទ្យាល័យ
ភូមិន្ទវិចិត្រ សិល្បៈ បានឲ្យដឹងថា ធ្មេញរបស់កញ្ញា
ដុសមកតាំងពីកំណើតម្ល៉េះ ហើយកាលពីនៅក្មេងៗ
ក៏ចង់ទៅតម្រង់ឲ្យស្មើដែរ ប៉ុន្តែត្រូវម្ដាយឃាត់ និង
មិត្តភ័ក្ដិបានប្រាប់ថា គេមានតែចង់បានធ្មេញបែបនេះ។
ចំពោះធ្មេញចំពើស មានមន្តស្នេហ៍ ឬអត់នោះ
កញ្ញាបានបន្ថែមយ៉ាងនេះថា “ខ្ញុំមិនដឹងយ៉ាងម៉េចទេ
ប៉ុន្តែឃើញទាំងមិត្តភ័ក្ដិ និងអ្នកស្គាល់គ្នាសរសើរថា
ស្អាតមែនទែន”។
ស្របនឹងកញ្ញាខាងលើ កញ្ញា នីការ និស្សិតឆ្នាំទី ០៣
ផ្នែកធនាគារនិងហិរញ្ញវត្ថុ នៅសាកលវិទ្យាល័យ ជាតិគ្រប់គ្រង
បានឲ្យដឹងថា អ្នកមានធ្មេញចំពើសមើលទៅ ស្អាតមែនទែន
ត្រង់ចំពើសនោះតែម្ដង ដូចជាទាក់ភ្នែកខ្លាំងណាស់
ប៉ុន្តែបើសិនជាអ្នកនោះសម្បុរស
មើលទៅស្អាតជាងមនុស្សសម្បុរខ្មៅដាច់តែម្ដង។ ឃើញគេស្អាត
មិនមែនមិនចង់បាននោះទេ កញ្ញានីការ បន្ថែមយ៉ាងនេះថា
”ចង់ធ្វើធ្មេញយ៉ាងនេះដែរ តែខ្លាចដាក់ទៅមិនសមដូចគេ”។
ឆ្លងកាត់ការប្រាស្រ័យទាក់ទងជាមួយមនុស្សជាច្រើន យុវជនសូរ សុជា និស្សិតសាកលវិទ្យាល័យជាតិគ្រប់គ្រងបានអះអាងថា ពិតជាយ៉ាងនេះមែនហើយ។ សុជា បន្តថា អ្នកមានធ្មេញចំពើស ពេលញញឹមដូចជាមានភាពទាក់ទាញអ្វីម្យ៉ាង ខុសប្លែកពីមនុស្សធម្មតា និយាយរួមគឺមានមន្តស្នេហ៍តែម្ដង។ ទោះជាយ៉ាងណា ក៏មិនមែនឲ្យតែចំពើសស្អាតទាំងអស់នោះទេ។ យុវជន សូរ សុជា បានបន្ថែមថា ការពិត មិនថាបុរសឬនារីទេ មានធ្មេញចំពើសស្អាតខ្លាំងណាស់ ប៉ុន្តែវាអាស្រ័យតាមទម្រង់មុខដែរ។
ផ្ទុយពីនាក់ទាំងបីខាងលើ យុវជន ប្រាក់ ស៊ីថា និស្សិតផ្នែក ពាណិជ្ជកម្ម សាកលវិទ្យាល័យជាតិគ្រប់គ្រង បានឲ្យដឹងថា សម្រាប់ប្អូនមិនពេញចិត្តទាល់តែសោះ ដោយសារមើលទៅឃើញ ធ្មេញប្រជ្រួសគ្នាបែបនេះ ដូចជាមិនចាប់អារម្មណ៍តែម្ដង។ ស៊ីថា បានប្រៀបធៀប យ៉ាងនេះថា ធ្មេញចំពើសបើធៀបធ្មេញរាបស្មើចាញ់ដាច់តែម្ដង”។
យោងតាមគេហទំព័រក្រៅប្រទេសមួយ បានឲ្យដឹងថា នៅប្រទេសជប៉ុន ធ្មេញចំពើសបែបនេះកំពុងពេញនិយម ហើយយុវនារី ហ៊ានចំណាយលុយរាប់រយដុល្លារដើម្បីធ្វើធ្មេញបែបនេះទៀតផង។ សម្រាប់នៅភ្នំពេញវិញ ហាងដាក់ធ្មេញមួយចំនួន ធ្វើធ្មេញចំពើស មានតម្លៃប្រហែល ១០ដុល្លារប៉ុណ្ណោះ។ ចុះមិត្តយុវវ័យវិញ យល់យ៉ាងណាដែរ?
ឆ្លងកាត់ការប្រាស្រ័យទាក់ទងជាមួយមនុស្សជាច្រើន យុវជនសូរ សុជា និស្សិតសាកលវិទ្យាល័យជាតិគ្រប់គ្រងបានអះអាងថា ពិតជាយ៉ាងនេះមែនហើយ។ សុជា បន្តថា អ្នកមានធ្មេញចំពើស ពេលញញឹមដូចជាមានភាពទាក់ទាញអ្វីម្យ៉ាង ខុសប្លែកពីមនុស្សធម្មតា និយាយរួមគឺមានមន្តស្នេហ៍តែម្ដង។ ទោះជាយ៉ាងណា ក៏មិនមែនឲ្យតែចំពើសស្អាតទាំងអស់នោះទេ។ យុវជន សូរ សុជា បានបន្ថែមថា ការពិត មិនថាបុរសឬនារីទេ មានធ្មេញចំពើសស្អាតខ្លាំងណាស់ ប៉ុន្តែវាអាស្រ័យតាមទម្រង់មុខដែរ។
ផ្ទុយពីនាក់ទាំងបីខាងលើ យុវជន ប្រាក់ ស៊ីថា និស្សិតផ្នែក ពាណិជ្ជកម្ម សាកលវិទ្យាល័យជាតិគ្រប់គ្រង បានឲ្យដឹងថា សម្រាប់ប្អូនមិនពេញចិត្តទាល់តែសោះ ដោយសារមើលទៅឃើញ ធ្មេញប្រជ្រួសគ្នាបែបនេះ ដូចជាមិនចាប់អារម្មណ៍តែម្ដង។ ស៊ីថា បានប្រៀបធៀប យ៉ាងនេះថា ធ្មេញចំពើសបើធៀបធ្មេញរាបស្មើចាញ់ដាច់តែម្ដង”។
យោងតាមគេហទំព័រក្រៅប្រទេសមួយ បានឲ្យដឹងថា នៅប្រទេសជប៉ុន ធ្មេញចំពើសបែបនេះកំពុងពេញនិយម ហើយយុវនារី ហ៊ានចំណាយលុយរាប់រយដុល្លារដើម្បីធ្វើធ្មេញបែបនេះទៀតផង។ សម្រាប់នៅភ្នំពេញវិញ ហាងដាក់ធ្មេញមួយចំនួន ធ្វើធ្មេញចំពើស មានតម្លៃប្រហែល ១០ដុល្លារប៉ុណ្ណោះ។ ចុះមិត្តយុវវ័យវិញ យល់យ៉ាងណាដែរ?
ស្រោចទឹកខ្នាតយក្ស ម្ដងជាង១ពាន់នាក់ Trackback
ថ្ងៃទី៣នៃពិធីបុណ្យចូលឆ្នាំ
ខ្មែរដែលត្រូវជាថ្ងៃវារៈឡើងស័ក្ដិ នៅវត្តសុវណ្ណមុនីសាគរ
ហៅវត្តសំរោងអណ្ដែត ស្ថិតនៅសង្កាត់ភ្នំពេញថ្មី
បានរៀបចំពិធីស្រោចទឹក
ខ្នាតធំ១ដោយប្រើប្រាស់ឡានទឹកចំនួន៣គ្រឿងស្រោចទឹក លើករាសី
ជូនដល់ពុទ្ធបរិស័ទ ចំណុះជើងវត្តប្រមាណជាង១ពាន់នាក់។
មុននឹងធ្វើការស្រោចទឹកជូនដល់
ពុទ្ធបរិស័ទ ព្រះចៅអធិការវត្តសំរោងអណ្ដែត ព្រះនាម ព្រះសក្យវង្ស
រ័ត្ន សារឿន បានមានថេរដិកាថា
ការស្រោចទឹកនេះបានធ្វើឡើងជារៀងរាល់ឆ្នាំ
នៅថ្ងៃវារៈឡើងស័ក្ដិ។ ការស្រោចនេះដើម្បីរំដោះគ្រោះ
និងលើករាសីជម្រះឧបទ្រុបចង្រៃនៅឆ្នាំចាស់ ជាពិសេស គឺ
ព្រះអង្គបានបួងសួងសុំពរពីទេវតាឆ្នាំថ្មី ប្រទានពរជ័យ
សិរីមង្គលជូនពុទ្ធបរិស័ទ ឲ្យជួបនឹងលាភសំណាង សុខសុភមង្គល។
ក្នុងចំណោមមនុស្សជាង១ពាន់នោះគេសង្កេតឃើញថា
ភាគច្រើនជាយុវវ័យ។
មីស៊ីលឥណ្ឌាអាចកម្ទេចចិន អាហ្វ្រិក អឺរ៉ុបបាន Trackback
កាលពីថ្ងៃពុធម្សិលមិញនេះ ឥណ្ឌាគ្រោងនឹងបាញ់សាកល្បង មីស៊ីលមានសមត្ថភាពនាំក្បាលនុយក្លេអ៊ែរប្រភេទ Agni V របស់ ខ្លួន ជាលើកដំបូង តែគម្រោងនេះត្រូវបានលើកពេលធ្វើនៅថ្ងៃព្រហស្បតិ៍នេះវិញ ដោយសារតែនៅតំបន់សាកល្បង មានអាកាសធាតុមិនអំណោយផល ពោលគឺមានផ្គររន្ទះ។
តាមផែនទីនេះ មីស៊ីលព្រះអគ្គី អាចកម្ទេចក្រុងប៉េកាំង អាហ្វ្រិក និងអឺរ៉ុបខាងកើតបាន
មីស៊ីលប្រភេទថ្មីនេះ ហាក់ដូចជាគំរាមដល់ចិនបន្តិច
ដែលប្រទេសទាំងពីរនេះធ្លាប់មានសង្គ្រាមជាមួយគ្នាកាលពីឆ្នាំ
១៩៦២ ម្ល៉េះ និងនៅតែបន្តមានជម្លោះព្រំដែនរហូតមកពេលបច្ចុប្បន្ន។
បើសិនការសាកល្បងនេះបានសម្រេច
នោះឥណ្ឌានឹងក្លាយជាមហាអំណាចធំមួយក្នុងទ្វីបអាស៊ី។យោងតាមសម្ដីរបស់លោក Rahul Bedi អ្នកវិភាគខាងវិស័យការពារជាតិម្នាក់ នៅទីក្រុង New Delhi ប្រទេសឥណ្ឌា បានឲ្យដឹងថា “ខណៈដែលចិនមិនបានគិតថា ឥណ្ឌាជាការគំរាមកំហែង ឬគូប្រជែងរបស់ខ្លួននោះ តែផ្ទុយទៅវិញ ឥណ្ឌាពិតជា មិនគិតដូចចិននោះទេ [មានន័យថា ចិនជាការគំរាមកំហែងរបស់ឥណ្ឌា]។
បើប្រៀបធៀបចំពោះសមត្ថភាពមីស៊ីលបាញ់ឆ្លងទ្វីប ឥណ្ឌានៅចាញ់ចិនឆ្ងាយណាស់ ដោយមីស៊ីលចិនអាចបាញ់ដល់គ្រប់ទីក្រុងរបស់ឥណ្ឌាតាំងពីយូរមកហើយ។
ដោយឡែក ឥណ្ឌាមានសមត្ថភាពគ្រប់គ្រាន់រួចទៅហើយ ក្នុងការកម្ទេចគ្រប់ទីកន្លែងនៅក្នុងប្រទេសប៉ាគីស្ថាន ដែលជាសត្រូវស៊ីសាច់ហុតឈាមរបស់ខ្លួន តែប៉ុន្មានឆ្នាំថ្មីៗនេះ ឥណ្ឌាកំពុងបង្កើនថវិកាការពារជាតិកាន់តែច្រើនឡើងៗ ទៅលើវិស័យយោធា ដើម្បីទប់ទល់នឹងការគំរាមកំហែងរបស់ចិន។ ជាក់ស្ដែង កង នាវាចរណ៍ឥណ្ឌាបានបញ្ជាទិញនាវាមុជទឹកដើរដោយថាមពលនុយក្លេអ៊ែររបស់ រុស្ស៊ីកាលពីដើមឆ្នាំនេះ ហើយត្រូវគេរំពឹងថា នឹងទទួលបាននាវាផ្ទុកយន្តហោះចម្បាំងផលិតក្នុងជំនាន់សូវៀតនាពេល ឆាប់ៗខាងមុខនេះ។
មីស៊ីល Agni V មាន ៣ កំណាត់ ដែលអាចផ្ទុកក្បាលគ្រាប់នុយក្លេអ៊ែរទម្ងន់ដល់ទៅ ១,៥ តោនឯណោះ ដោយមីស៊ីលទាំងមូលមានទម្ងន់ ៥០ តោន និងកម្ពស់ ១៧ ម៉ែត្រ និងចំណាយទឹកប្រាក់អស់ជិត ៥០០ លានដុល្លារអាមេរិក៕
បុរសចាស់ជាងគេក្នុងលោកអាយុប៉ុន្មាន? Trackback
បុរសជនជាតិជប៉ុន Jiroemon Kimura បានក្លាយជាបុរសវ័យចាស់ជាងគេ ក្នុងលោក នៅពេលដែលលោកធ្វើពិធីខួបកំណើតគម្រប់ខួប ១១៥ ឆ្នាំ កាលពីម្សិលមិញនេះ នៅទីក្រុងតូក្យូ ប្រទេសជប៉ុន។
លោក Jiroemon Kimura អាយុ ១១៥ ឆ្នាំ ចាស់ជាងគេបំផុតក្នុងលោក
លោក Kimura កើតនៅថ្ងៃទី ១៩
ខែ មេសា ឆ្នាំ ១៨៩៧
ត្រូវបានអង្គការស្រាវជ្រាវជរាសាស្ត្រអន្តរជាតិដែលសិក្សាពីមនុស្ស
មានអាយុវែង ទទួលស្គាល់ថា ជាបុរសមានអាយុវែងជាងគេក្នុងលោក។ពេលអ្នកសារព័ត៌មានសួរថា អ្វីដែលធ្វើឲ្យលោកមានអាយុវែងបែបនេះ លោកបានឆ្លើយតបថា លោកមិនដឹងច្បាស់នោះទេ។ លោកបច្ចុប្បន្នមានចៅ ១៤ នាក់ ចៅទួត ២៥ នាក់ និងចៅលួត ១៣ នាក់។
ល្បីថា ថាសហោះ ចុះក្បែរក្រុង Roswell Trackback
កាលពីឆ្នាំ ១៩៤៧
ធ្លាប់មានលេចឮព័ត៌មានដ៏កក្រើកទាក់ទងនឹង ថាសហោះ (UFO)
ម្តងរួចហើយ ថាមានធ្លាក់នៅក្នុងទីក្រុង Roswell នៃរដ្ឋ New Mexico
សហរដ្ឋអាមេរិក។
មានសារព័ត៌មានមួយចំនួនថែមទាំងបានចុះផ្សាយរូបភាពទាំងនោះទៀត
ប៉ុន្តែបញ្ហានេះក្លាយជារឿងដ៏ចម្រូងចម្រាស់ និងមន្ទិលសង្ស័យ
ដោយសាររដ្ឋាភិបាលអាមេរិក
បានបិទលាក់រឿងនេះជិតឈឹងតាំងពីពេលនោះមក។
គ្មាននរណាម្នាក់ដឹងច្បាស់ថា មាន ថាសហោះ (UFO) ពិត
ឬមិនពិតនោះទេ តែរហូតដល់ទសវត្សឆ្នាំ ១៩៧០
ទើបមានឯកសារខ្លះចុះផ្សាយពីការចុះចតរបស់ UFO នេះ។
បើយោងតាមសារព័ត៌មានអង់គ្លេស Daily Mail ចុះផ្សាយកាលពីថ្ងៃពុធម្សិលមិញ បានឲ្យដឹងថា នាពេលថ្មីៗនេះ មានគេថតបានរូបភាព UFO ចុះចតម្តងទៀត ក្បែរកន្លែង UFO ធ្លាក់កាលពីឆ្នាំ ១៩៤៧ គឺនៅទីក្រុង Roswell ។ រូបភាពថតនោះ ថតដោយអ្នកដំណើរតាមរថយន្តម្នាក់នៅតាមផ្លូវ Highway។ ប៉ុន្តែ មិនបានបញ្ជាក់ពីពេលវេលា និងទីកន្លែងនៃហេតុការណ៍នេះនោះឡើយ។
ទោះបីជាយ៉ាងណាក៏ដោយ រឿងរ៉ាវនេះបង្កឲ្យភាពចម្រូងចម្រាសជាច្រើននៅក្នុងពិភពអ្នកប្រើ ប្រាស់អ៊ីនធឺណែត។ អ្នកប្រើ YouTube ម្នាក់ដែលដាក់ឈ្មោះថា 3492crusherdestroyer និយាយថា រូបភាពនេះមិនពិតនោះទេ ដោយសារផ្លាកសញ្ញាតាមដងផ្លូវគឺជាសញ្ញាក្នុងប្រទេសអង់គ្លេស មិនមែនអាមេរិកទេ។ អ្នកខ្លះទៀតថា វាជាការបច្ចេកទេសច្នៃប្រឌិត។
សូមមើលរូបភាព៖
UFO មានពាក្យពេញថា Unidentified Flying Object
ដែលខ្មែរយើងច្រើនហៅថា ថាសហោះ។ ថាសហោះនេះ
បំពាក់ដោយបច្ចេកវិទ្យាទំនើប ដែលបង្កើតឡើងមនុស្សក្រៅភពផែនដី
(Aliens)
ហើយមិនទាន់មានអ្នកវិទ្យាសាស្ត្រណាម្នាក់អះអាងឲ្យប្រាកដថាមក
ពីភពណាមួយនោះទេ។ ថាសហោះ អាចហៅម្យ៉ាងដោយខ្លីថា
ជាយាន្តអវកាសរបស់ពិភពក្រៅផែនដី។ ក៏ប៉ុន្តែ រដ្ឋាភិបាលអាមេរិក
ធ្លាប់បានអះអាងថា មិនមានភស្តុតាងណាមួយបង្ហាញថា
មានជីវិតនៅក្រៅភពផែនដីនោះទេ តែទោះជាយ៉ាងណា
ប្រភពមួយចំនួនអះអាងដែរថា
បើទោះបីបច្ចេកវិទ្យារបស់មនុស្សផែនដីទំនើបយ៉ាងណាក៏ដោយ
ក៏គេសង្ស័យថា នៅមិនទាន់រកឃើញទីតាំង
ឬភពមួយចំនួននៅក្រៅផែនដី ដែលអាចមានជីវិតរស់នៅ
ហើយមានអ្វីៗប្លែកពីភពផែនដីទៅទៀត។
មនុស្ស ក្រៅ ភព ត្រូវ បាន ក្រុម វេជ្ជ បណ្ឌិត ពិនិត្យ បន្ទាប់ ពី ថាសហោះ ធ្លាក់ នៅ Roswell ក្នុង ឆ្នាំ ១៩៤៧
បើយោងតាមសារព័ត៌មានអង់គ្លេស Daily Mail ចុះផ្សាយកាលពីថ្ងៃពុធម្សិលមិញ បានឲ្យដឹងថា នាពេលថ្មីៗនេះ មានគេថតបានរូបភាព UFO ចុះចតម្តងទៀត ក្បែរកន្លែង UFO ធ្លាក់កាលពីឆ្នាំ ១៩៤៧ គឺនៅទីក្រុង Roswell ។ រូបភាពថតនោះ ថតដោយអ្នកដំណើរតាមរថយន្តម្នាក់នៅតាមផ្លូវ Highway។ ប៉ុន្តែ មិនបានបញ្ជាក់ពីពេលវេលា និងទីកន្លែងនៃហេតុការណ៍នេះនោះឡើយ។
ទោះបីជាយ៉ាងណាក៏ដោយ រឿងរ៉ាវនេះបង្កឲ្យភាពចម្រូងចម្រាសជាច្រើននៅក្នុងពិភពអ្នកប្រើ ប្រាស់អ៊ីនធឺណែត។ អ្នកប្រើ YouTube ម្នាក់ដែលដាក់ឈ្មោះថា 3492crusherdestroyer និយាយថា រូបភាពនេះមិនពិតនោះទេ ដោយសារផ្លាកសញ្ញាតាមដងផ្លូវគឺជាសញ្ញាក្នុងប្រទេសអង់គ្លេស មិនមែនអាមេរិកទេ។ អ្នកខ្លះទៀតថា វាជាការបច្ចេកទេសច្នៃប្រឌិត។
សូមមើលរូបភាព៖
និស្សិតសោយសុខសិចកណ្តាលផ្លូវ ផ្អើលពិភពអ៊ីនធឺណិត Trackback
និស្សិតមួយគូ បង្កើតរឿងយ៉ាងភ្ញាក់ផ្អើល ក្នុងពិភពអ៊ីនធឺណិតនៅប្រទេសចិន ដោយពួកគេសោយសុខសិចយ៉ាងគឃ្លើននៅតាមកន្លៀតផ្លូវសាធារណៈទាំងកណ្តាលថ្ងៃត្រង់ ដោយ
ពុំបានគិតពីខ្សែភ្នែកអ្នកដទៃនោះឡើយ។
គូស្នេហ៍ក្តៅខ្លួនឆេះរោលរាលមួយគូនេះ
ស្ម័គ្ររួមរ័កជាមួយគ្នា ក្បែរបង្អូចផ្ទះប្រជាពលរដ្ឋ
ហើយត្រូវគេលួចថតរូបបានទៀត។ ដើម្បីការពារកុំឲ្យមានបញ្ហា
អ្នកថតនិងបង្ហោះរូបភាពនេះ មិនបានប្រាប់ពីពេលវេលា
និងទីកន្លែងពិតប្រាកដ
ដែលអ្នកទាំងពីរនោះបានប្រព្រឹត្តនោះទេ។
តាមព្រឹត្តិបត្រចេញផ្សាយកាលពីឆ្នាំ២០១១
នៃការស្ទាបស្ទង់មតិរបស់ក្រុមហ៊ុនផលិតស្រោមអនាម័យដ៏ធំម៉ាក Durex
នៅក្នុងទីក្រុងប៉េកាំង ដកស្រង់ដោយកាសែត ភ្នំពេញប៉ុស្តិ៍
បានបង្ហាញថា
ចិនបានក្លាយជាប្រទេសមួយមានភាពទូលំទូលាយខាងសម្ព័ន្ធភាពរួម
ភេទ។ ប្រភពដដែល បានបង្ហាញផងដែរថា មានអត្រាដល់ទៅ ៣៤%
ឯណោះសម្រាប់មនុស្សចូលចិត្តមានដៃគូរួមរ័ក ច្រើនជាងម្នាក់
ខណៈការស្រាវជ្រាវនៅឆ្នាំ២០០៦ គឺមានអត្រាតែ ២៨% ប៉ុណ្ណោះ។
ប្រជាជនចិនតែ ៣០% ប៉ុណ្ណោះដែលរួមភេទដោយសារតែសេចក្ដីស្រឡាញ់
ខណៈនៅឆ្នាំ២០០៦ មានអត្រារហូតដល់ទៅ ៥២%។
ស្អាតសិចស៊ីនិងពូកែមានទាំងព្រម Trackback
នាង Zhu Songhua គ្រូបង្រៀនភាសានៅសាលាបឋមសិក្សាមួយកន្លែងនៅសង្កាត់ Chongchuan ទីក្រុង Nantong ខេត្ត Jiangsu បានទទួលប្រជាប្រិយភាពថា ជាអ្នកគ្រូស្រស់ស្អាត និងសិចស៊ីដាច់គេនៅក្នុងប្រទេសចិន។ ស្របពេលនោះដែរ អ្នកគ្រូម្នាក់នេះ ក៏ទទួលបានពានរង្វាន់ឆ្នើម ខាងទេព្យកោសល្យបង្រៀនសិស្សផងដែរ ពោលគឺ ស្អាតហើយ ពូកែបង្រៀនទៀត។
នាងមានអាយុ ៣២ ឆ្នាំ កម្ពស់ ១៦៨ សង់ទីម៉ែត្រ ទម្ងន់ ៥០ គីឡូក្រាម ហើយទំហំទាំងបីរបស់នាងគឺ ៣៤ ២៦ និង៣៤។ នាងក៏ទទួលនូវការរិះគន់ និងមន្ទិលសង្ស័យពីមជ្ឈដ្ឋានជុំវិញផងដែរ ចំពោះភាពសិចស៊ីនេះ ប៉ុន្តែនាងបានបកស្រាយថា “ខ្ញុំគ្រាន់តែជាមនុស្សសាមញ្ញម្នាក់ប៉ុណ្ណោះ គ្រាន់តែចង់មានជីវិតរស់នៅសាមញ្ញ មិនបានព្យាយាមទទួលប្រជាប្រិយភាពពីសាធារណជននោះទេ”។
ប្រិយមិត្តអាចវាយឈ្មោះ “Zhu Songhua” ក្នុងប្រអប់ Search ដើម្បី Add Friend ក្នុង Facebook បានផងដែរ។
សូមមើលរូបភាព៖
ព្រោះតែសន្យា ហ៊ានបង្ហាញរូបស្រាតឲ្យមើល Trackback
រឿងប្លែកៗជាច្រើន តែងតែកើតមានជាប្រចាំនៅពាសពេញពិភពលោក។ ដោយឡែក ថ្ងៃសៅរ៍ ចុងសប្ដាហ៍នេះ Naktakhmer សូមយករឿងប្លែកមួយមិនគួរឲ្យជឿ អមដោយរូបភាពជូនប្រិយមិត្តអានកម្សាន្ត និងទស្សនា។
នាង Han Yifei តារាម៉ូដែល និងតារាសម្ដែង
នាង Han Yifei
ជាស្រីស្អាតម្នាក់ក្នុងចំណោមស្រីស្អាតជាច្រើននៅសាលាបណ្ឌិតសភា
ភាពយន្តក្រុងប៉េកាំង ប្រទេសចិន។ នាងធ្លាប់បានសន្យា
ចំពោះក្រុមបាល់បោះជម្រើសជាតិចិនបុរសថា
បើពួកគេឈ្នះការប្រកួតពានរង្វាន់បាល់បោះពិភពលោកក្នុងជុំទី១
ដែលប្រទេសទួរធ្វើជាម្ចាស់ផ្ទះឆ្នាំ២០១០
នោះនាងនឹងបង្ហាញរូបស្រាតស្រើបស្រាលរបស់នាងក្នុងប្លុករបស់នាង
ឲ្យក្រុមកីឡាករមើល។ជាការពិតមែន ក្រុមបាល់បោះជម្រើសជាតិចិន បានឈ្នះមែនក្នុងជុំទី១ (ដោយប្រាំប្រកួតដែលក្នុងមួយពូលមាន៦ក្រុមត្រូវជម្រួសចោល ២ក្រុម ប្រទេសចិនបានឈ្នះមួយប្រកួត លើក្រុមប្រទេស កូដឺវ័រ ក្នុងលទ្ធផល ៨៣-៧៣ បានជាប់ក្នុងចំណោមបួនក្រុមទៅប្រកួតជុំបន្ទាប់) ហើយនាង Han Yifei ក៏បាន post រូបនាងស្រាតក្រោយពេលនោះផងដែរ។ នាង Han Yifei កើតនៅថ្ងៃទី ១០ ខែមិថុនា ឆ្នាំ១៩៨៥។ នាងមានទម្ងន់ ៤៤គីឡូក្រាម កម្ពស់ ១៦៤ សង់ទីម៉ែត្រ។ បច្ចុប្បន្ន នាងជា តារាម៉ូដែល និងតារាសម្ដែងភាពយន្តផងដែរ។
សូមមើលរូបខាងក្រោម៖
អាយុ១០១ឆ្នាំ បំបែកឯតទគ្គកម្មលោតឆត្រយោង Trackback
លោកយាយ Mary Allen Hardison វ័យ ១០១ ឆ្នាំ មកពីទីក្រុង Ogden រដ្ឋ Utah សហរដ្ឋអាមេរិក ត្រូវគេទទួលស្គាល់ជាផ្លូវការថាជា “ស្ត្រីចំណាស់ជាងគេដែលលោតឆត្រយោង” និងបានចុះបញ្ជីក្នុងកំណត់ត្រាសៀវភៅឯតទគ្គកម្មពិភពលោក។ នេះបើយោងតាមគេហទំព័រ MSN ដែលបានចុះផ្សាយនៅថ្ងៃនេះ។
លោកយាយ Mary Allen Hardison
កំណត់ត្រាសៀវភៅឯតទគ្គកម្មពិភពលោក Guinness កាលពីថ្ងៃអង្គារម្សិលមិញនេះ បានហៅការលោតឆត្រយោងនេះថាជា “ការអបអរសាទរចំពោះការចាប់ផ្ដើមរដូវផ្ការីកជាផ្លូវការ”។លោកយាយ Hardison បាន ចាប់ផ្ដើមលោតឆត្រយោងពេលនឹកឃើញភ្លាមៗ គ្មានហេតុផល ខណៈដែលលោកយាយមិនចង់ឲ្យកូនប្រុសវ័យ ៧៥ ឆ្នាំឈ្មោះ Allen របស់លោកយាយ លោតបានល្អជាងខ្លួន។ លោកយាយបញ្ជាក់ថា “ខ្ញុំមិនចង់កូនប្រុសខ្ញុំធ្វើអ្វីដែលខ្ញុំធ្វើមិនបាននោះទេ”។ តាមប្រភពព័ត៌មាន បញ្ជាក់ថា ម្ចាស់ឯតទគ្គកម្មពិភពលោក ម្នាក់នេះ មិនធ្លាប់លោតឆត្រយោងពីមុនមកនោះទេ ក៏ប៉ុន្តែ កាលពីវ័យខ្ទង់៩០ លោកយាយ ធ្លាប់ទៅជិះឧបករណ៍កម្សាន្តបែបហោះហើរនៅសួនកម្សាន្តផ្សេងៗនៅ អាមេរិក។
លោកយាយ Mary Allen Hardison នៅលើឆត្រយោង
លោកយាយ Hardison បានប្រាប់ថា
គាត់ជ្រើសរើសការលោតបំបែកឯតទគ្គកម្មបែបនេះ
ដើម្បីជាផ្នែកមួយនៃការប្រារព្ធខួបកំណើតលើកទី ១០១ របស់លោកយាយ
ដែលពិធីនេះបានធ្វើកាលខែកញ្ញា កាលពីឆ្នាំមុន។
លោកយាយបានបំបែកឯតទគ្គកម្ម ដោយយកឈ្នះលោកយាយ Margaret Mackenzie
McAlpine ជនជាតិអង់គ្លេស ដែលកាលណោះម្ចាស់ឯតទគ្គកម្មចាស់រូបនេះ
មានវ័យ១០០ឆ្នាំ ទទួលបានតំណែងនេះកាលពីឆ្នាំ២០០៧។ សូមចុចត្រង់នេះ ដើម្បីមើលវីដេអូឃ្លិប៕អុញ…រៀបការយកត្រាក់ទ័រដឹកកូនក្រមុំ! Trackback
កសិករវ័យក្មេងម្នាក់ នៅក្នុងទីក្រុង Fuyang ខេត្ត Anhui ប្រទេសចិន បានបើកត្រាក់ទ័រពណ៌ក្រហមដង្ហែកូនក្រមុំក្នុងថ្ងៃរៀប អាពាហ៍ពិពាហ៍កាលពីថ្ងៃទី ៦ ខែមេសា ឆ្នាំ២០១២ កន្លងទៅនេះ។ លើសពីនេះទៅទៀត មិនត្រឹមតែមានត្រាក់ទ័រសម្រាប់ដឹកកូនក្រមុំតែមួយប៉ុណ្ណោះទេ តែថែមទាំងមានត្រាក់ទ័រជាច្រើននៅហែហមពីក្រោយទៀតផង។បើក្រឡេកមើលទិដ្ឋភាពនេះ តើប្រិយមិត្តគិតយ៉ាងម៉េចដែរ? ចុះកូនក្រមុំ ឬកូនកំលោះវិញសមគ្នាអត់? ចង់រៀបការបែបហ្នឹងទេ?
គ្រូរំលោភសិស្សជាប់គុក១០ឆ្នាំ Trackback
តុលាការឧក្រិដ្ឋកម្មក្រុង Dubai បានកាត់ទោសដាក់ពន្ធនាគារ
បុរសជាគ្រូឯកជនម្នាក់ ចំនួន ១០ ឆ្នាំ
និងនិរទេសចេញពីប្រទេសអារ៉ាប់រួម
ពីបទរំលោភបំពានផ្លូវភេទលើកុមារាជាសិស្សអាយុ ១៣
ឆ្នាំម្នាក់ជាច្រើនដង។
នេះបើតាមរបាយការណ៍ដែលចេញដោយតុលាការកាលពីថ្ងៃច័ន្ទ។
នេះជារូបដំណាងកុមារារងគ្រោះប៉ុណ្ណោះ
របាយការណ៍ដដែលបន្តថា
បុរសជាគ្រូរូបនេះបានរង់ចាំរហូតដល់ម្ដាយរបស់កុមារាជាសិស្ស
ចូលគេងទើបរូបគេ បង្ខំរំលោភយ៉ាងកំរោលទៅលើក្មេងប្រុសនោះ។ បើតាមសម្ដីរបស់ស្ត្រីជាម្ដាយវិញ បានប្រាប់កាសែតជាភាសាអារ៉ាប់ Alkhaleej ថា នៅពេលដែលនាងភ្ញាក់ឡើងឆុងតែឲ្យពួកគេទាំងពីរ
នាងក៏បានឃើញគ្រូបង្រៀនម្នាក់នោះ
កំពុងធ្វើសកម្មភាពដ៏គួរឲ្យស្អប់ខ្ពើមនេះទៅលើកូនប្រុសរបស់នាង
ដូច្នេះនាងក៏បានស្រែកខ្លាំងៗដោយក្ដីរន្ធត់
បន្ទាប់មកនាងក៏បានប្ដឹងប៉ូលិសឲ្យចាប់ខ្លួន
និងដាក់ពាក្យបណ្ដឹងដល់តុលាការចាត់វិធានការបន្តទៀត៕
អត់មានឈាម រស់បានទៀត! Trackback
រឿងអភូតហេតុខាងវេជ្ជសាស្ត្របានកើតឡើងនៅក្នុងប្រទេសអង់គ្លេសចំពោះទារិកាម្នាក់ដែលកើតមកគ្មានឈាម (ជំងឺខ្វះឈាម) តែក្មេងនេះនៅតែរស់រានមានជីវិតបាន។ នេះបើយោងតាមគេហទំព័រHuffingtonpost ចុះផ្សាយកាលពីថ្ងៃព្រហស្បតិ៍ម្សិលមិញនេះ។
ក្មេងស្រី Olivia Norton អាយុ ៦ ខែ នៅមានសុខភាពល្អ
ក្មេងស្រី Olivia Norton អាយុ ៦ ខែ នៅមានសុខភាពល្អ
ទារិកា Olivia Norton ត្រូវវះកាត់បញ្ចូលឈាម
ក្មេងស្រី Olivia Norton និងម្ដាយនាង
សំណង់ស្ពានយោងអស្ចារ្យបំផុត Trackback
ចិនបានសាងសង់ ស្ពានយោងមួយដែលវែងជាងគេ និងខ្ពស់ជាងគេបំផុតនៅក្នុងពិភពលោក
ហើយកម្មករខ្លួនមមាញឹកខ្លាំង
ក្នុងការបញ្ចប់ការលាបពណ៌ថ្នាំលើស្ពានយោង Anzhaite នៅតំបន់
Jishou ខេត្ត Hunan ប្រទេសចិន ដើម្បី
ដាក់ឲ្យប្រើប្រាស់កាលពីដើមសប្ដាហ៍នេះ។
ស្ពានដែលភ្ជាប់រូងភ្នំពីរនេះមានកម្ពស់ដល់ទៅ ៣៣៦ ម៉ែត្រ
និងប្រវែង ១.១៧៦ ម៉ែត្រ ដែលត្រូវបានសាងសង់កាលពីខែ តុលា ឆ្នាំ ២០០៧
និងបញ្ចប់កាលពីចុងឆ្នាំ ២០១១ កន្លងទៅនេះ
គឺនៅសល់លាបថ្នាំពណ៌ដែលត្រូវលាបបង្ហើយកាលពីដើមសប្ដាហ៍នេះ
ប៉ុណ្ណោះ។
សំណង់ដែលមានគ្រឹះទទឹងដល់ទៅ ២៣ ម៉ែត្រនេះ
គឺដើម្បីសម្រួលចរាចរណ៍នៅក្នុងតំបន់ Jishou
និងបានត្រូវបានដាក់ឲ្យប្រើប្រាស់ជាផ្លូវការកាលពីថ្ងៃម្សិល
មិញហើយ។ នេះបើយោងតាមគេហទំព័រ The Daily Mail។
ស្ពានយោងបំភ្លឺដោយអំពូលអគ្គិសនី ១.៨៨៨ អំពូលនាពេលយប់ នេះ គឺជាស្ពានយោងទី៤ហើយ នៅប្រទេសចិន ដែលតភ្ជាប់ភ្នំពីរដាច់ឆ្ងាយពីគ្នា។
រថយន្តធម្មតា និងរថយន្តដឹកទំនិញធំៗ អាចបើកបរលើស្ពាននេះដែលចែកជា ៤ ផ្លូវ (lane) ក្នុងល្បឿនប្រមាណជា ៨០ គីឡូម៉ែត្រក្នុងម៉ោង។ ចំណែកអ្នកថ្មើរជើង អាចដើរតាមផ្លូវពិសេសនៅក្រោមស្ពានបាន។
បញ្ជាក់ថា ចិនមានស្ពានវែងជាងគេបំផុតក្នុងពិភពលោក គឺស្ពាន Danyang Kunshan ដែលមានប្រវែងជាង ១៦៤ គីឡូម៉ែត្រ និងត្រូវដាក់ប្រើប្រាស់កាលពីឆ្នាំ ២០១១ ដោយចំណាយពេលសាងសង់ ៤ ឆ្នាំ និងទឹកប្រាក់ ៨,៥ ពាន់លានដុល្លារអាមេរិក ដើម្បីទ្ររថភ្លើងល្បឿនលឿនរត់ពីក្រុងប៉េកាំង ទៅក្រុងសៀងហៃ។
ស្ពានយោងបំភ្លឺដោយអំពូលអគ្គិសនី ១.៨៨៨ អំពូលនាពេលយប់ នេះ គឺជាស្ពានយោងទី៤ហើយ នៅប្រទេសចិន ដែលតភ្ជាប់ភ្នំពីរដាច់ឆ្ងាយពីគ្នា។
រថយន្តធម្មតា និងរថយន្តដឹកទំនិញធំៗ អាចបើកបរលើស្ពាននេះដែលចែកជា ៤ ផ្លូវ (lane) ក្នុងល្បឿនប្រមាណជា ៨០ គីឡូម៉ែត្រក្នុងម៉ោង។ ចំណែកអ្នកថ្មើរជើង អាចដើរតាមផ្លូវពិសេសនៅក្រោមស្ពានបាន។
បញ្ជាក់ថា ចិនមានស្ពានវែងជាងគេបំផុតក្នុងពិភពលោក គឺស្ពាន Danyang Kunshan ដែលមានប្រវែងជាង ១៦៤ គីឡូម៉ែត្រ និងត្រូវដាក់ប្រើប្រាស់កាលពីឆ្នាំ ២០១១ ដោយចំណាយពេលសាងសង់ ៤ ឆ្នាំ និងទឹកប្រាក់ ៨,៥ ពាន់លានដុល្លារអាមេរិក ដើម្បីទ្ររថភ្លើងល្បឿនលឿនរត់ពីក្រុងប៉េកាំង ទៅក្រុងសៀងហៃ។
បង្ក្រាបតៀមកាហ្វេវៀតណាមសិចស៊ី Trackback
ក្រុមអាជ្ញាធរ ប៉ូលិសរដ្ឋ California បានចុះបង្ក្រាបតៀមកាហ្វេវៀតណាមជាច្រើនកន្លែង ដែលមានស្រីៗវៀតណាមស្លៀកពាក់សិចស៊ីបម្រើភ្ញៀវ នៅ តំបន់ Little Saigon ក្នុងទីប្រជុំជន Orange County នៃទីក្រុង Garden Grove រដ្ឋ California សហរដ្ឋអាមេរិក កាលពីឆ្នាំ ២០១១កន្លងទៅ។ នេះបើយោងតាមគេហទំព័រ The Daily Mail។
